Johan 16:32 - Tedim Bible Revision 2017

³² Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Tedim Bible

³² En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Johan 16:32 Referans Kwoze

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Mattiu 26:31

Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Johan 8:29

Kei a hong sawl paʼ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Johan 8:16

Mi mawhsakin thu a khen hi ta mah leng zong, a thukhen pen kei bek hi loin kei a hong sawl Pa Pasian le keimah in a khen khawm ka hih manun ka thukhennate a man taktak ahi hi.

Marka 14:27

Tua ciangin Jesu in amaute kiangah, “‘Tuucingpa ka sat lum dinga, tuute a kithehthang ding hi,’ ci-in Lai Siangtho sungah a kigelh mah bangin note in kei nong taisan ding uh hi.

Mattiu 26:56

Ahi zongin Lai Siangtho sungah kamsangteʼ thugente a tun theih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesu nusia-in a taisan uh hi.

Johan 20:10

Tua ciangin nungzuite a inn uh ah a ciah uh hi.

Johan 16:25

“Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Johan 16:2

Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Johan 4:23

Ahi zongin Pasian a bia taktakte in Pasianʼ Khaʼ lamlahna le thuman tak tawh a biak hun hong tung dinga, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Johan 4:21

Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Johan 12:23

Tua ciangin Jesu in, “Mihing Tapa in Pasianʼ pianzia a ngah ding hun hong tung ta hi.

Johan 5:28

Hih thu kong gen ciangin lamdang sa kei un. Han sungah a om misi khempeuh in ama aw za-in,

Johan 5:25

A taktakin ci lehang: A si mite in Pasianʼ Tapaʼ aw a zak hun uh hong tung ding hi bek loin tu-in a hun hong tung khin hi ta a, ama aw a za mi khempeuh nungta ding uh hi.

Marka 14:50

Tua ciangin a nungzuite khempeuh in Jesu a taisan uh hi.

Sawltak 8:1

Hih Stefen thahna thu ah Saul in zong thukimpih hi. Tua ni a kipanin Jerusalem khua-a om pawlpite in nakpi takin bawlsiatna thuak ding kipan uh hi. Sawltakte sim loh, thu um midang khempeuh, Judea gam le Samaria gamah kithehthang gawp uh hi.

Johan 16:31

Jesu in, “Tu-in hong um ta na hi uh hiam?

Johan 19:27

Tua ciangin a nungzui pa kiangah, “Na nu tua lai ah om hi,” a ci leuleu hi. Tua ahih manin tua hun a kipanin nungzui pa in ama inn ah Jesuʼ nu Mary a kem hi.

Sawltak 21:6

Tua ciangin khatlekhat mangpha kikhakin teembaw tungah ka tuang uh a, amaute zong a inn uh ah a ciah uh hi.