Johan 16:24 - Tedim Bible Revision 2017

²⁴ Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.

Tedim Bible

²⁴ Tudongin ka min suangin bangmah na ngen kei uh hi. Na lungdamna uh a kicin’ nadingin ngen un, na ngah ding uh hi.”

Johan 16:24 Referans Kwoze

Johan 15:11

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

2 JOHAN NIHNA 1:12

Gen ding tampi ka neih lai hangin lai-in hong gelh lo zaw-in, eiteʼ lungdamna a kicin zawk theih nadingin kei hong pai-in khatlekhat maitang kimu-in thu gen khawm dingin ka kingaihsun hi.

Mattiu 6:9

Tua ahih manin thu na nget uh ciangin hih bangin na ngen un: ‘Vantung a om koteʼ Pa aw, na min siangtho kizahtak hen.

Johan 3:29

Mo pen zi nei ding tangvalpa ading bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicing ta hi.

1 KUMPI MASATE 18:36

Biakpiak hun ciangin kamsang Elijah a nai ah hong pai-in, “Abraham, Isaac le Israel Pasian, Topa aw, nang pen Israel sungah Pasian na hihna le kei pen nangma nasem ka hihna le hih nate khempeuh nangma thu tawh ka hihna thu tu ni-in kitheisak in.

2 THESALONIKA NIHNA 1:2

Pa Pasian le Topa Jesu Khris in note tungah dikna le nopsakna thupha hong tungsak tahen.

Piancilna 32:9

Jakob in, “Ka pu Abrahamʼ Pasian le ka pa Isaacʼ Pasian, keima kiangah, ‘Na gam le na behte kiangah ciahkik in; nangʼ tungah hoihna kong bawl ding hi,’ hong ci Topa aw,

2 KUMPI NIHNATE 19:15

Tua ciangin Hezekiah in Topaʼ mai ah thu ngenin, “Topa, Israel Pasian, kherub tungah a tupa aw, leitung kumpi gam khempeuh lakah nangmah, nangmah bek Pasian na hi a, nangmah in vantung le leitung na bawl hi.

Johan 14:1

Tua ciangin Jesu in a nungzuite kiangah, “Note lunghimawh kei un. Pasian um unla, kei zong hong um un.

Johan 14:14

Keima min paulamin na hong nget nak uh leh kong pia ding hi,” a ci hi.