Johan 16:21 - Tedim Bible Revision 2017

²¹ Numei in a ta a suah hun a tun ciangin na sa ahih manin a dah hi. Ahi zongin a ta a suah khit ciangin leitungah naungek khat a piangsak khin ahihna hangin lungdamin a natna teng a mangngilh ta hi.

Tedim Bible

²¹ Numei in ta a suah lai takin a hun tung ahih ciangin a dah hi. Ahih hangin ta a suah khit ciangin leitungah mi khat suak ahih ciangin lungdam a, a gimna a phawk nawn kei hi.

Johan 16:21 Referans Kwoze

Late 113:9

Amah in tasel numei tungah ta guan a, ta a nei nu a lungdamin a bawl hi. Topa phat un.

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdangsakna tawh ki-en ding uh a, a maitangte un gimna mel pua ding hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Micah 4:10

Jerusalem khua mite aw, numei nausuak ding bangin na tha uh san un. Tu-in kumpi khuapi nusia-in, gam sung khua ah a teeng ding na hi ta uh a, Babylon khuapi a zuan ta ding na hi uh hi. Ahi zongin tua lai panin note hong kihon khia-in, na galte uh khut sung panin Topa in hong khah khia ding hi.

Galati 4:27

Bang hang hiam cih leh Lai Siangtho sungah, “A ciing nupi aw, lungdam in. Nausuah natna a thei ngei lo nupi aw, nuamin kiko in. Bang hang hiam cih leh a pasal in a nusiat nupi in a pasal tawh a om tawntung nupi sangin ta hau zaw ding hi,” ci-in na kigelh hi.

Piancilna 3:16

Tua ciangin numei kiangah, “Naupaiina ah na gimna nakpi takin ka khangsak dinga, na a sa pipi-in nau na nei ding hi. Ahi zongin na pasal mah na deih dinga, amah in nang tungah hong uk ding hi,” a ci hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Isaiah 66:7

Ka khuapi siangtho pen nausuak natna a thuak ma-in nau a suak nupi tawh kibang a, nausuak gimna a tun ma-in amah in tapa khat a nei hi.

Micah 4:9

Bang hangin tu-in nakpi takin kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

JOB (Job) 11:16

Na lungkhamnate veng dinga, tuikhang pak bangin na phawk nawn kei ding hi.