Johan 16:20 - Tedim Bible Revision 2017

²⁰ A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Tedim Bible

²⁰ Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.

Johan 16:20 Referans Kwoze

Jeim 1:2

Sanggamte aw, thuhaksa a tuamtuam na thuak uh ciangin lungdam nadingin na ngaihsun zaw un.

Mattiu 5:4

Dahin a thum a tau mite Pasian in amaute hehnem ding ahih manin thupha ngah mi ahi uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Marka 16:10

Tua nu zong hong pai-in a dah a kapin a om Jesuʼ lawm luite kiangah hih thu a va gen hi.

Jeremiah 31:25

Bang hang hiam cih leh a gim mite ka tawldamsak dinga, gil kialin a tha zawm mite khempeuh an ka vak kham ding hi,” a ci hi.

Juda 1:24

Ama minthanna mai ah paubaanna om het loin lungdam takin a hong paipih theih nadingin note na puk khak nading panun a hong kem,

Luka 24:21

Amah pen Israel mite a hon khia ding pa hi, ci-in ka lamet uh ahi hi. Tua bang hi napi-in hih thu teng hong piang a, tu-in a thu pian zawh a ni thumna hi ta hi.

Late 30:11

Topa ka Pasian aw, nangma tungah lungdamna ka hong koh tawntung theih nading, ka lungsim in nang hong phat theih nading, a dai om mawk loh nadingin ka thumna le ka taunate lamna tawh nong heisak a, dahna lim ahi ka puanhampi hong suah khiatsakin nuamna na hong guan hi.

Late 30:5

Ama hehna tomno sung bek hi a, ama hong deihsakna pen khang tawntung ading ahi hi. Zan hun sungteng kahna om kha mah dinga, ahih hangin zing khuavak tawh nuamna hong tung hi.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

ROM (Romans) 5:11

Tua teng bek hi lo lai a, Pasian tawh hong kilemsak i Topa Jesu Khris hangin Pasian tungah i nuam mahmah hi.

Luka 24:17

Jesu in, “Na lam paikawmun bang gengen na hi uh hiam?” ci-in a dong hi. Amau tegel zong din khawl pah uh a, a maisuah uh dahmai mahmah lai hi.

Luka 23:27

Jesuʼ nung zui-in mi tampi tak pai uh a, tuate lakah Jesu kahin a tamlawh numei pawl khat zong a kihel hi.

Isaiah 61:3

amaute pen a thuman mite kici-in, amah a kiminthansak theih nadingin Topa in a mite kem hi, a kicih theih nadingin Zion ah a om a dah mite a lungdam nading, a lungkham mite in phatna la a sak theih nading, a lunggim mite in Pasian a phat theih nadingin amah in kei hong sawl zo hi.

Mangmuhna 18:7

Amah kisialin a kiphatsakna zah tawh a kizui-in dahna le lungkhamna thuaksak un. Amah in, ‘Kei kumpinu ka hi a, meigong numei lah ka hi kei a, dahna ka thuak ngei kei ding hi,’ ci ahih manin,

Mangmuhna 11:10

Teci a pang tua kamsang nihte in leitung mite tungah gimna nakpi takin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

Sawltak 5:41

Uliante omna panin sawltakte paikhia uh a, Jesuʼ hangin mindaina a thuak dingin Pasian in kilawm hong sa hi, ci-in ngaihsun uh ahih manin a lungdam mahmah uh hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 16:6

Ahi zongin hih thute kong gen ciangin na lungsim uh dah mahmah hi.

Luka 22:62

Tua ciangin Peter pai khia-in nakpi takin a kap hi.

Luka 22:45

A thungetna panin dingin a nungzuite kiangah paikik a, amaute a dahna hangun gimin ihmu-in a om a mu hi.

Luka 6:21

Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Marka 14:72

Tua khit phetin ak nih veina a khuang hi. Tua ciangin, “Ak nih vei a khuan ma-in kei thum veina hong nial ding hi,” ci-in Jesu in ama tungah a gen sa thu Peter in phawkkik a, dah lua-in a kap hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 12:1

Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Late 97:11

Thuman miteʼ tungah khuavak hong taang a, lungsim thutang mite tungah lungdamna hong tung hi.

JOB (Job) 20:5

migiloteʼ nopsak hun a tom mahmahna thu, Pasian a don loteʼ lungdam hun a tom mahmahna thu thei lo na hi hiam?

1 THESALONIKA MASA 1:6

Kote le Topaʼ gamtat bangin note na gamta uh a, note in gimna nakpi takin thuak lawh napi-in Kha Siangthoʼ huhna tawh lungdam takin thu umin na om uh hi.

Johan 20:20

Tua bangin a hopih khit ciangin a khutte le a pangpi zong a lak hi. Topa a muhna hangun nungzuite a nuam mahmah uh hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah ding teng eite in la ni,’ a kici uh hi.