Johan 16:2 - Tedim Bible Revision 2017

² Amaute in a kikhopna uh innte panin note hong hawl khia ding uh hi. Note hong that mite pen Pasianʼ nasemin a kingaihsut ding uh hun hong tung ding hi.

Tedim Bible

² Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 16:2 Referans Kwoze

Johan 9:22

Jesu pen Khris hi, ci-in a gen peuhpeuh, kikhopna inn panin hawl khia ni, ci-in Jew mi uliante in thukimna nei khin uh ahih manin, Jew mi uliante a kihtakna uh hangin a nu le a pate in hih bangin a gen uh ahi hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Mangmuhna 6:9

Ciaptehna ngana a hon ciangin Pasianʼ thu a genna hang le Pasianʼ thu citakin teci a panna uh hangin a kithat miteʼ kha, biakna tau nuai ah a om ka mu hi.

Johan 12:42

Tua bang hitaseleh Jew mi ulian tampi in Jesu a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin gen khia ngam lo uh hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

1 KORIN MASA 4:13

Zahpihna kam tawh hong kihopih ciangin kam khum tawh ka dawng uh hi. Miteʼ muhna ah tu ni ciang dong ninbulom le leivui them bang bek ka hi uh hi.

Sawltak 7:56

“En un! Vantung kihong a, Pasianʼ tak lamah Mihing Tapa a ding ka mu hi,” a ci hi.

Mattiu 24:9

“Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

Johan 9:34

Tua ciangin amaute in, “Mawhna bulomtang sung panin suakin a khang khia mipa in kote tungah thu hong hilhsawm na hi hiam?” ci-in tua mittaw ngei pa a hawl khia uh hi.

Isaiah 65:5

“Note kiang panin kote hong kituam koih ahih manin kihem khia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuak zo nawn kei hi. Amaute tungah ka hehna pen a mit ngei lo meikuang tawh kibang hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Johan 4:21

Jesu in, “Lawm aw, hih ka thugen ding hong um in: Mite in hih mual tung hitaleh Jerusalem hitaleh ah Pa Pasian a biak nawn loh hun hong tung ding hi.

Filippi 3:6

nak hahkat lua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawl khat sung mi pawl khat in gal sung a sihna le meikuang sunga thahna a thuak ding uh hi. Mi pawl khatte in lawk gawpna le thongkiatna a thuak ding uh hi.

Johan 4:23

Ahi zongin Pasian a bia taktakte in Pasianʼ Khaʼ lamlahna le thuman tak tawh a biak hun hong tung dinga, tu-in zong a hong tung khinta ahi hi. Pa Pasian in tu-a bangin amah i biak ding a hong deih ahi hi.

Johan 16:25

“Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hi ta hi. Ahi zongin kei guak a hong kinusia hi lo a, Pa in kei hong ompih hi.

Thukhente 6:30

Tua ciangin tua khua mite in Joash kiangah, “Na tapa in Baal biakna tau phel khia-in a gei-a om Asherah milim phuk ahih manin ka thah theih nadingun amah hong paikhiatpih in,” a ci uh hi.