Johan 16:19 - Tedim Bible Revision 2017

¹⁹ Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Tedim Bible

¹⁹ Amaute in a dot nop uh Zeisu in a theih ciangin, “Tawlkhat khit ciangin note in kei nong mu nawn kei ding uh hi. Tawlkhat khit ciangin, note in kei nong mu kik ding uh hi ka cihna thu note na kidong tek uh hiam?

Johan 16:19 Referans Kwoze

Johan 16:30

Tu-in na khempeuh na theih khitna thu ka phawk uh a, ka theihnop uh thute kote in ka hong dot ding uh zong kisam nawn lo ahih manin Pa kiang panin a hong pai na hihna thu ka hong um uh hi,” a ci uh hi.

Johan 16:16

“Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Johan 14:19

Tawl khat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Johan 13:33

Ka tate aw, note tawh sauvei ka hong om khawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in kong gen hi.

Johan 7:33

Jesu in tua mite kiangah, “Note lakah tawl khat ka om lai dinga, tua ciangin kei hong sawl pa kiangah ka pai ding hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Johan 21:17

Jesu in a thum veina dong leuleu a, “Johanʼ tapa Simon aw, kei na hong it hiam?” a cih ciangin, “Kei na hong it hiam?” ci-in thum vei tak a dotna hangin Peter zong a dah suak hi. Tua ahih manin, “Topa aw, nangmah in na khempeuh na thei a, nangmah ka hong itna thu zong na thei hi,” ci-in a dawn ciangin Jesu in, “Ka tuute na kem in.

Mattiu 9:4

Ahi zongin Jesu in amauteʼ ngaihsutna thei ahih manin, “Bang hangin a sia lamin ngaihsun na hi uh hiam?

Mattiu 6:8

Tua na thunget ma nangawnun na Pa un noteʼ kisapna teng hong thei khin ahih manin Gentail mite na bang kei un.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Johan 6:61

Ahi zongin Jesu in hih thu ah a nungzuiteʼ phunna thei ahih manin, “Hih ka thugenna in note hong lungkiasak ahi hiam?

Johan 16:18

Tawl khat a cihcih pen bang a cihnopna ahi hiam, i thei kei hi, a kici uh hi.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Johan 16:26

Tua hun hong tun ciangin, Pa Pasian kiangah ka hong ngetsak ding hi, ka hong ci nawn kei dinga, nomau mahmah in ka min suangin Pa kiangah na ngen pah ding uh hi.