Johan 16:17 - Tedim Bible Revision 2017

¹⁷ a nungzuite pawl khat kidong uh a, “Tawl khat khit ciangin kei na hong mu nawn kei ding uh a, tawl khat khit ciangin na hong mukik ding uh hi, a cihna le Pa kiangah a ciahkik ding ka hi hi, a cihnate bang a cihnopna ahi hiam?” a kici uh hi.

Tedim Bible

¹⁷ Tua ahih ciangin, a nungzuite kimkhat in, “Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,’ leh ‘Pa kiangah ka pai man-inah, a cihna in bang thu ahi hiam?” ci-in khat leh khat a kici uh hi.

Johan 16:17 Referans Kwoze

Johan 16:16

“Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Johan 16:5

Tu-in ahihleh kei hong sawl pa kiangah a ciahkik ding ka hi hi. Tua hi napi-in, ‘Koi ah pai ding na hi hiam?’ ci-in kuamah in na hong dong kei uh hi.

Marka 9:32

A nungzuite in hih ama thuhilhna thei lo uh a, ahi zongin amah dong ngam lo uh hi.

Johan 16:19

Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Johan 14:5

Tua laitakin Thomas in, “Topa aw, na pai nading mun thei lo ka hih manun a lampi ding bangci theih ding ka hi uh hiam?” a cih ciangin

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Luka 18:34

Ahi zongin nungzuite in hih ama thugente tel zo lo uh hi. Amauteʼ tel zawh loh dingin kihem gen ahih manin, Jesuʼ gente bang a cihnopna ahi hiam, ci-in a thei kei uh hi.

Marka 9:10

Ama cih mah bangin im uh a, ahi zongin, “Sihna panin thokik,” a cih bang a cihnopna hi ding ahi hiam, ci-in a lungsim sung uh ah a ngaihsun uh hi.

Johan 16:1

“Note na puk khak loh nadingun hih thute a hong gen ka hi hi.

Johan 14:22

Tua ciangin Judas Iskariot ahi lo Judas dang khat in, “Topa aw, leitung mite tungah kilang loin kote tungah bangci-in hong kilang tuam thei ding na hi hiam?” ci-in a dot ciangin

Luka 9:45

Ahi zongin amaute in a cihnopna thei lo uh hi. Amaute in a theih tel loh nading mahun a kibawl hi a, bang a cihnopna hiam, ci-in Jesu kiangah lah a dong ngam kei uh hi.

Johan 16:18

Tawl khat a cihcih pen bang a cihnopna ahi hiam, i thei kei hi, a kici uh hi.