Johan 16:14 - Tedim Bible Revision 2017

¹⁴ Amah in keima gen ding thute note tungah hong gen ding ahih manin Pasianʼ pianzia ka neihna hong kilangsak ding hi.

Tedim Bible

¹⁴ Amah in keima minthan’na hong langsak ding hi, bang hang hiam na cih uh leh, keima’ aa la-in note kiangah hong gen ding hi.

Johan 16:14 Referans Kwoze

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Galati 5:5

Kote ahihleh Pasian in amah tawh a kipawl thei dingin hong bawl ding hi, ci-in lamenin, koteʼ upna hangin Kha Siangthoʼ vangliatna tawh hong piang ding hi, ci-in a om ka hi uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

1 KORIN MASA 12:3

Tua ahih manin Kha Siangtho in lam a lah mite in, “Jesu in samsiatna ngah tahen,” a cih lohna le Kha Siangtho in lamlak kei leh kuamah in, “Jesu pen Topa hi,” a cih theih loh nading thu na theih ding uh ahi hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

1 JOHAN MASA 5:6

Hih Jesu Khris pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

1 JOHAN MASA 3:23

Ama hong thupiakna in: A Tapa Jesu Khris umin zui-in, Khrisʼ hong sawl bangin eite khatlekhat i ki-it ding ahi hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

1 PETER MASA 2:7

Tua ahih manin no a um mite adingin amah pen a manpha suang hi a, ahi zongin amah a um lote adingin, “Innlamte in a nilkhiat suang, innkiu suang bulpi a suak khinta hi,”

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it dinga, keimah in zong itin amaute tungah ka kilang ding hi,” a ci hi.