Johan 15:6 - Tedim Bible Revision 2017

⁶ Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kaang tum hi.

Tedim Bible

⁶ Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Johan 15:6 Referans Kwoze

Mattiu 7:19

Gah limci a gah lo singkungte kiphukin meikhuk sungah kikhul hi.

Johan 15:2

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Mattiu 13:41

Mihing Tapa in a vantung mite hong sawl dinga, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 3:10

Tu mahmah in sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

2 PETER NIHNA 2:20

I Topa le Honpa Jesu Khris theihna hangin leitung siatna sung panin suakta khin napi-un, leitung siatna ah awkkikin a lelte pen, a masa a pianzia uh sangin a nunung a pianzia uh siahuai zaw hi.

Hebru 10:27

a kihtakhuai thukhenna le Pasianʼ thu a nial mite a kaang tum ding meikuangpi bek om lai hi.

Mangmuhna 20:15

A nungta mite a kigelhna laibu sungah a min a om lo peuhmah meiphual pi sungah kilawn hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Ezekiel 17:9

“Tua ahih ciangin Topa Pasian ahi keimah in ka dotnop thu pen: ‘Hih leenggui hingin hoihtakin khang zo ding ahi hiam? Muvanlai masa pen in zungbawhin, a gahte zut khia-in, a hiangte kuaitanin, keu tumsak ding hi lo ahi hiam?’ cihna ahi hi. Tua leenggui bawhkhiat nadingin thahatna ahi a, minam lianpi ahi zongin kisam lo hi.

Isaiah 14:19

Ahih hangin nang pen namsau tawh a kithat misi a uihte, Suanghawmpi sunga a pai sukte, khe tawh a kisikcip si luang hawmte bangin, na hankhuk pua lamah hong kilawn khia hi.

JOB (Job) 15:30

khuamial panin suakta lo ding hi. Amah pen a hiangte mei in a kat tumsak, a paakte huih in a let khiatsak, singkung tawh kibang ding hi.

Mattiu 27:5

Tua ciangin amah in biakinn sungah a ngun peekte lawnin paikhia a, a mahmah a gui-awk hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

2 SAMUEL NIHNA 23:7

amaute a lawng ding mipa pen sik le teipi bul tawh kithawi a, amaute mei tawh kihal tum siang hi,” a ci hi.