Johan 15:24 - Tedim Bible Revision 2017

²⁴ Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Tedim Bible

²⁴ Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 15:24 Referans Kwoze

Johan 14:9

Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 5:36

Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Johan 10:37

Ka Paʼ na a sem lo hi leng na hong up loh mah ding uh ahi hi.

Johan 10:32

Jesu in, “Ka Paʼ hong sawl bangin noteʼ muhna ah na hoih tampi ka hong sepna hangin suang tawh den hong sawm na hi uh hiam?” a cih ciangin

Johan 9:32

Leitung piancil a kipanin pianpih mittaw khua a musak thei a om lam kiza ngei nai lo hi.

Johan 7:31

Ahi zongin mihon lak panin mi tampi mah in amah um uh a, “Khris hong pai ciangin hih mipa sangin nalamdang tam zaw hong bawl tuan ding ahi hiam?” a ci uh hi.

Johan 3:2

Khat vei zan khuamial laitakin Jesu kiangah va pai a, “Sia aw, mi khat peuhpeuh Pasian in ompih lo hileh hih nalamdangte kuamah in bawl thei lo ding ahih manin nang pen Pasianʼ hong sawl siapa na hihna ka hong thei uh hi,” a ci hi.

Mattiu 9:33

Ama sung panin dawi a kihawlkhiat khit phetin tua mipa hong pau theikik pah hi. Mihonpite in lamdang sa mahmah uh a, “Israel gam sungah hih bang thu piang ngei nai lo hi,” a ci uh hi.

Thu-hilhkikna 5:9

Amauteʼ mai ah kun loin, amauʼ na na sem kei ding uh hi; bang hang hiam cih leh keimah Topa noteʼ Pasian, a aam Pasian ka hi a, kei hong mudahteʼ tungah a pateʼ mawhna a tateʼ tungah khang thum khang lina dongin thuk-in,

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

2 TIMOTI NIHNA 3:4

ciampelin, thu khual loin, kiphasak gawpin, Pasian don loin pumpi nopsakna bek deihin,

ROM (Romans) 1:30

mi gensiatna, Pasian muhdahna, midangte a heh theih a maizum theih nadingin gamtatna, kiphatsakna, kisialhna, thusia bawlna, nu le pateʼ thu man lohna,

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Johan 12:45

Kei hong mu khempeuh in kei hong sawl pa zong a mu ahi hi.

Johan 6:36

Ahi zongin note tungah ka hong gen nop thu in: Note in kei hong mu khin napi-in na hong um nuam kei uh hi.

Luka 24:19

Tua ciangin Jesu in amaute kiangah, “Bang thu ahi hiam?” ci-in a dot ciangin amaute in, “Nazareth khuami Jesu tunga thupiang ahi hi. Amah pen kamsang khat hi a, Pasian le mite khempeuh in a thugen le a nasepna ah vang a nei mahmah khatin a ngaihsut uh ahi hi.

Marka 2:12

Tua mipa zong amaute khempeuhʼ muhin tho a, a lupna pheek la-in a paikhia pah hi. Amaute khempeuh in lamdang sa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Mattiu 21:32

Bang hang hiam cih leh note kiangah Tuiphumpa Johan hong pai-in thuman lampi hong lak napi-in na um kei uh a, ahi zongin siahdongte le numei paktatte in a um uh hi. Hih thu na theih khit uh ciang nangawnin na lungsim uh na kheel nuam tuan kei uh a, na um kei veve uh hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Late 81:15

Kei a hong mudahte ka mai ah hong kun ding uh a, amauteʼ gim thuakna kip paisuak ding hi.

Paikhiatna 20:5

Tuateʼ mai ah na kun kei ding uh a, tuate na bia kei ding uh hi. Bang hang hiam cih leh keimah noteʼ Topa Pasian, a aam Pasian ka hi a, kei hong mudahteʼ tungah pateʼ mawhna tateʼ tungah khang thum khang lina dongin thuk-in,

Johan 12:10

Lazarasʼ hangin Jew mi tampite in amauʼ makaite taisanin Jesu um uh ahih manin siampi liante in Lazaras zong thah a sawm uh hi.

Johan 9:41

Jesu in, “A mittaw hi le-uhcin mawhna tawh na kipelh ding uh hi. Ahi zongin khua mu thei ung, ci na hih manun na mawhna uh a ngei mahin a om lai ahi hi,” ci-in a dawng hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Johan 15:22

Kei hong pai kei-in amaute tungah thu a gen lo hi leng amaute in mawh pua lo ding uh hi. Ahi zongin tu-in ahihleh a mawhna thu uh ah kiphel nading a paulap ding uh bangmah om nawn lo hi.

Johan 15:23

Kei hong mudahte in ka Pa zong a mudah ahi hi.

Johan 16:9

Amaute in kei hong up loh manun a mawhna uh lak dinga,