Johan 15:20 - Tedim Bible Revision 2017

²⁰ ‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Tedim Bible

²⁰ ‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Johan 15:20 Referans Kwoze

2 TIMOTI NIHNA 3:12

Khris Jesu tawh kipawlin Pasianʼ deihna bangin a nungta nuam khempeuh in bawlsiatna a thuak ding mah hi a,

Johan 13:16

A mantakin ci lehang, sila pen a topa sangin lian zaw ngei lo a, a kisawl pa zong a sawl pa sangin lian zaw ngei lo hi.

Mattiu 10:24

“A siapa sangin a sang naupangte lian zaw ngei lo a, a topa sangin a silate lian zaw ngei lo hi.

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.

2 KORIN NIHNA 4:9

gal tampi ka neih uh hangin pawl ka kitasam ngei kei uh a, liamna baina ka tuah uh hangin ka si kei uh hi.

1 KORIN MASA 4:12

Koteʼ nektawm ding ka thatang mahmah uh tawh nakpi takin ka sem uh hi. Hong kisamsiat ciangin thupha ka lehpiak uh a, hong kibawlsiat ciangin ka gumthuak uh hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Luka 6:40

Sangnaupang khat a siapa sangin lian zaw ngei lo hi; a sin ding khempeuh a theih khit ciangin a siapa tawh kikim pan bek ding hi.”

1 THESALONIKA MASA 2:15

Tua Jew mite in Topa Jesu le kamsangte that uh a, kote zong hong bawlsia uh hi. Pasianʼ lungkim loh nadingin gamta uh a, mi khempeuh langbawl uh hi.

Johan 10:31

Tua ciangin Jew mihonte in amah deng dingin suang tawm leuleu uh ahih manin

Johan 11:57

Bang hang hiam cih leh siampi liante le Farisi mite in Jesu a mat theih nadingun, “Jesu a omna a thei na om uh leh hong ko un,” ci-in thupiakna nei khinzo uh hi.

Johan 8:59

Tua bang a cih ciangin amaute in amah a den nading suang tawm uh a, ahi zongin biakinn sung panin Jesu a gel khia hi.

Johan 7:32

Hih bangin mihonpite a kihona thu Farisi mite in za uh ahih manin amaute le siampi liante in Jesu a man dingin biakinn cing palikte pawl khat a sawl uh hi.

Johan 5:16

Tua ahih manin Jesu in Sabbath ni-in cina a damsakna hangin amaute in Jesu bawlsiat ding a kipan uh hi.

Luka 2:34

Tua ciangin Simeon in amaute thupha a piak khit ciangin naungekʼ nu Mary kiangah, “Hih naungek pen, Israel mite sungah mi tampi in siatna a ngah nading le mi tampi in hotkhiatna a ngah nading ahi hi. Mi tampi in hih naungek nial ding uh a,

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Marka 10:39

amaute in, “Ka hi zo ding uh hi,” ci-in a dawng uh hi. Tua ciangin Jesu in amaute kiangah, “Keimah in gimna ka thuak ding mah bangin na thuak takpi ding uh a, ka thuak ding kiphumna zong na thuak takpi ding uh hi.