Johan 14:27 - Tedim Bible Revision 2017

²⁷ Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Tedim Bible

²⁷ Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 14:27 Referans Kwoze

Filippi 4:7

Mihingte in a theih tel zawh loh Pasianʼ hong piak lungsim nopna in, Khris Jesu tawh na kipawlna uh hangin note hong lungnuamsak ding hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia henla, amah in note khempeuh hong ompih tahen.

Kolose 3:15

Note pum khat suakin a lungdam khawm dingin Pasian in a hong sap ahih mah bangin Khris hong piak nopsakna in noteʼ lungsim hong uk ta henla, lungdamin om ta un.

2 TIMOTI NIHNA 1:7

Bang hang hiam cih leh Pasian in eite tungah meidawina lungsim hong guan lo a, thahatna, ki-itna, pumpi ki-uk zawhna lungsim hong guan hizaw hi.

ROM (Romans) 15:13

Kha Siangthoʼ huhna tawh noteʼ lametna a khan semsem theih nadingin, lametna a hong pia thei Pasian in, amah na upna uh hangin lungdamna le nopsakna tawh note hong kidimsak tahen.

Gamlak-vakna 6:26

Topa in note tungah a maipha hong pia henla, note tungah nopsakna hong pia tahen,’ ci-in thupha pia uh hen.

ROM (Romans) 8:6

I ngaihsutna, i pumpi deihna uksak lehang sihna tawh kizom hi; i ngaihsutna, Kha Siangtho uksak lehang nuntakna le nopsakna tawh a kizom hi.

Jeremiah 1:8

Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Galati 1:3

Eiteʼ Pa Pasian le Topa Jesu Khris in note khempeuh tungah dikna le nopsakna thupha hong tungsak tahen.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Late 29:11

Topa in ama mite tungah thahatna pia tahen. Topa in ama mite tungah nopsakna thupha pia tahen.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.

Johan 14:1

Tua ciangin Jesu in a nungzuite kiangah, “Note lunghimawh kei un. Pasian um unla, kei zong hong um un.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Late 112:7

Amah in thusia zak ding lau lo hi. Topa muang a, ama lungsim a kip hi.

ROM (Romans) 5:10

Pasian tawh eite i kilangneih laitakin ama Tapaʼ sihna hangin amah tawh hong kilemsak ahihleh tu-in Pasian tawh kipawl khinta ihih manin Khris nuntakna in eite hong hon khia zo zaw kan ding hi lo ahi hiam?

Johan 20:21

Tua ciangin Jesu in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Late 56:11

lunghihmawhna khat zong nei het loin Pasian ka muang hi. Mihing lellelte in kei, bang hong cih zo ding ahi uh hiam?

Late 91:5

Nangmah in zan a lauhuaina, sun-a thaltang leengte, khuamial lakah a vak khiankhian pulnatna, sun nitaang a suksiatnate na kihta kei ding hi.

Kolose 1:20

Pasian in a Tapa zangin na khempeuh ama kiangah a kaihkik ding a seh sa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesu Khris in note tungah dikna le nopsakna thupha hong tungsak tahen.

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Late 85:10

Itna kip le thutak kigawm dinga, thuman le kilemna kihual ding uh hi.

1 KORIN MASA 1:3

I Pa Pasian le Topa Jesu Khris in note tungah dikna le nopsakna thupha hong tungsak tahen.

Late 56:3

Kei ka lau ciangin nangmah kong muang hi.

Johan 20:19

Tua ni pen Nipi ni nitak lam hi a, nungzuite zong a nitakin inn sung khat ah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hi napi-in amaute lakah Jesu hong dinga, “Nopna ngah ta un,” ci-in a hopih hi.

2 THESALONIKA NIHNA 1:2

Pa Pasian le Topa Jesu Khris in note tungah dikna le nopsakna thupha hong tungsak tahen.

Sawltak 10:36

Mi khempeuhʼ Topa ahi Jesu Khris hangin a kingah Lungdamna Thu, Israel mite tungah Pasian in a puakna thu na thei uh hi.

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Luka 1:79

sih ding lauhuaina sungah a om mi khempeuh tungah vantung khuavak hong taangsak dinga, nopsakna lampi ah hong kha ding hi,” a ci hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

Sawltak 18:9

Zan khat, Paul in maang mu a, a maang sungah Topa in, “Lau kei in. Lungkia kei inla, na thugen zom in.

Mattiu 10:26

“Tua ahih manin kuamah kihta kei un. A kiseelte khatvei teitei kimu dinga, thusimte khatvei teitei thulang suak ding hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiat pih ding hi. Note mai-a mual liante le mual neute in la sa-in awng ding uh a, gam sunga sing khempeuh in a khut uh beeng ding uh hi.

Late 27:1

Topa, ka khuavak le hong honpa ahi hi. Kua kihta ding ka hi hiam? Topa, kei adingin mun muanhuai ahi hi. Bang lau pih ding ka hi hiam?

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Hebru 7:2

Abraham in a na ngah khempeuh sung panin Melkhizedek tungah sawm-ah-khat a pia hi. Melkhizedek min a khiatna in, “Thuman Kumpi,” a cihna hi phot a, tua banah Jerusalem khua kumpi zong hi lai ahih manin ama min pen, “Kilemna Kumpi,” cihna zong ahi hi.

Johan 20:26

Tua zawh nipikal khat ciangin nungzuite zong inn sung khat ah kikhawm leuleu uh a, tua hunin Thomas zong a om hi. Amaute kong kikhaknelh uh hi napi-in Jesu hong pai-in amaute lakah hong dinga, “Nopna ngah ta un,” ci-in a hopih khit ciangin

Ezekiel 2:6

“Ahi zongin mihing ahi Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding uh a, momai lak a om na bang ding hi. Tua bang hitaseleh, hih a lehdo thei miteʼ maipuak zia le amauteʼ kampaunate hangin lau tuan kei in.

Late 28:3

Amauʼ lungsim sungah siatna a om hi napi a veengte tawh kilemna thu a gen khem, siatna bawlte, migilote tawh kei hong la khia khawm kei in.

Daniel 4:1

Nebukhadnezzar kumpipa in leitung a om minamkimte, minam tuamtuamte, pau nam tuamtuamte khempeuh tungah a nuai-a thute hih bangin a khak hi: “Note tungah nopna om tahen!

Paunak 3:25

Migilote tungah huihpi bangin siatna a tun ciangin, nang na lunghihmawhna ding bangmah om lo ding hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Galati 6:16

Hih ka thugenna a zui mite a kipanin Pasianʼ mite khempeuh tungah Pasian in nopsakna le hehpihna thupha hong pia tahen.

Luka 10:5

Inn khat peuhpeuh ah na lut uh ciangin, ‘Hih inn ah nopsakna hong tung tahen,’ ci-in hopih masa un.

Zekhariah 6:13

Amah pen Topaʼ biakinn a lam ding pa hi a, kumpiteʼ ngah theih minliatna ngahin, ama mite uk ding hi. Ama kumpi tokhom gei ah siampi khat om dinga, kithutuakin, kilemin nasem khawm ding uh hi,” ci hi,’ va ci in.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Late 72:7

Ama hun sungin thuman pung henla, khapi a bei mateng nopna om tahen.

Kolose 1:2

Kolose khua ah a om Pasianʼ mi ahi, Khris sungah kip takin a om sanggamte tungah lai ka hong khak uh hi. I Pa Pasian in note tungah dikna le nopsakna thupha hong tungsak tahen.

Luka 12:4

“Lawmte aw, note kiangah kong genin ah, pumpi a thah khit ciangin a sia zaw a hih thei nawn lote na kihta kei un.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Daniel 6:25

Tua ciangin Kumpi Darias in leitung a om minamkimte, minam tuamtuamte le pau nam tuamtuamte khempeuh tungah hih bangin lai a khak hi: “Note tungah nopsakna thupha om tahen.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Late 11:1

Keʼn Topa ka bel hi. Bang hangin ka tungah, “Vasa leeng bangin mual tungah tai in;

JOB (Job) 34:29

“Pasian in bangmah hih het kei taleh zong, kuamah in Pasian mawhsak thei lo ding hi. Amah in hong maingat het kei taleh zong, kuamah in bangmah cih thei tuan lo ding hi.

Kah la 3:17

Lungnopna, cidamna, kipahna cihte bang ahi hiam, cih mel ka thei nawn kei hi.

Late 72:2

Amah in thumanna tawh na mite tungah thu khen henla, na mizawngte tungah thu a tangin khen tahen.

2 KHANG TANGTHU NIHNATE 20:30

Tua ahih ciangin Jehoshafatʼ ukna gam sung gamdai hi; bang hang hiam cih leh a Pasian in ama kiimah galdaihna a pia hi.