Johan 14:24 - Tedim Bible Revision 2017

²⁴ Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.

Tedim Bible

²⁴ Kei hong it lo mi in ka thu a zui kei hi. Note zak thute in kei thu hi lo kei hong sawl Pa’ thu ahi hi.”

Johan 14:24 Referans Kwoze

Johan 7:16

Tua ahih manin Jesu in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 8:42

Jesu in, “Kei pen Pasian kiang panin hong pai-in hih lai ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong pai tawm ka hi kei a, ama hong sawl ka hi hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Johan 8:38

Tua ahih manin keimah in ahihleh ka Paʼ hong lah sa thute bek a gen ka hi a, ahi zongin note na hih uh leh na pa uh hong sawl bangin a gamta na hi uh hi,” a ci hi.

Johan 8:26

Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 7:28

Tua ahih manin biakinn sungah a gen mah bangin mi khempeuh zakin gen khia a, “Kei hong thei tel taktak a, ka hong pian khiatna mun a thei takpi mah na hi uh hiam? Keima thu tawh a hong pai tawm ka hi kei hi; kei a hong sawl a thuman pa a thei lo na hi uh hi.

Mattiu 19:21

Jesu in, “Mi cingtaak na hih nop leh pai-in na neihsate va zuak inla, na sum khotte, mizawngte tungah va pia lecin, vantungah sum na hau ding hi. Tua ciangin hong pai inla kei hong zui in,” a ci hi.

Johan 3:11

A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 14:25

“Note tawh ka hong om khawm hun sungin hih thute a hong gen ka hi hi.