Johan 14:23 - Tedim Bible Revision 2017

²³ Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Tedim Bible

²³ Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Johan 14:23 Referans Kwoze

Johan 14:21

Keima thupiakte sangin a zuite in keimah hong it ahi uh hi. Kei hong it mite pen ka Pa in zong it dinga, keimah in zong itin amaute tungah ka kilang ding hi,” a ci hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

1 JOHAN MASA 2:24

Note in ahihleh a kipat cil a kipan na zak uh thute hoihtakin na zui un. A kipat cil a kipan na zak uh thute hoihtakin na zuih nak uh leh Tapa tawh kipawlin, Pa Pasian tawh zong a kipawl na hi ding uh hi.

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

2 KORIN NIHNA 6:16

Pasianʼ biakinn le lawkiteʼ milim bangci kilem theih ding ahi hiam? Bang hang hiam cih leh Pasian in, “Ka mite lakah teengin amaute tawh ka om khawm ding hi. Kei pen amauteʼ Pasian ka hi dinga, amaute, keima mi ahi ding uh hi.

Late 91:1

Sangpen paʼ liahna sung, Vanglian paʼ liim sungah a om mi khempeuh in

Johan 10:30

Kei le ka Pa pum khat ka hi uh hi,” ci-in a dawng hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Johan 6:56

Ka sa ne-in ka si a dawnte pen kei tawh pum khat ka hi uh hi.

Johan 14:17

Leitung mite in tua Kha Siangtho mu thei lo, theithei lo uh ahih manin sang thei lo ding uh hi. Ahi zongin note sungah tua Kha Siangtho hong om ding ahih manin note in na thei ding uh hi.

Piancilna 1:26

Tua ciangin Pasian in, “Eima lim, eimah hong sunin mihing bawl ni. Tuipi ngasate tung, huihlak vasate tung, ganhingte tung le leitung a, a bok vakte tungah ukna neisak ni,” a ci hi.

Mangmuhna 21:22

A Vanglian Topa Pasian le Tuuno pen khuapi biakinn hi ta ahih manin tua khua sungah biakinn dang ka mu kei hi.

Piancilna 11:7

Hong pai un, amau thugen khatlekhat a kitheih loh nadingun eite pai sukin amauʼ kampau va kitukalhsak ni,” a ci hi.

Mangmuhna 22:3

Pasianʼ samsiatna a ngah peuhpeuh tua khua sungah om lo hi. Tua khuapi sungah Pasian le Tuunoʼ tokhom om dinga, ama nasemte in amah a bia ding uh hi.

Late 90:1

Topa aw, khang tawntungin koteʼ omna mun na hi hi.

Johan 8:51

A mantakin ci lehang, keima thuhilhna a zui peuhpeuh si nawn lo ding hi,” ci-in a dawng hi.

Johan 8:52

Tua ciangin mihonte in, “Dawivei taktak na hihna thu tu-in ka hong thei uh hi. Kamsangte khempeuh le Abraham zong si napi-in, ‘Keima thuhilhna a zui peuhpeuh si nawn lo ding,’ na ci lailai hi.

Johan 14:24

Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Efesa 3:17

na upna hangun note lungsim sungah Khris hong teengin, itna thu ah zung thuk kha-in bulkip na neih nadingun thu ka ngen hi.

1 JOHAN MASA 2:5

Ahi zongin ama thu a zui mite pen Pasian a itna a kicingtaak taktak mi ahi hi. Hih bangin i gamtat leh Pasian tawh a kipawl taktak ihihna i thei hi.

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

2 JOHAN NIHNA 1:6

Itna thu kong gen ciangin Pasianʼ thupiakte zui ding cihna ahi hi. A kipat cil a kipan na zak sa uh ahi hih thupiakna pen na khan tawntungun zui-in itna na nei ta un.

Mangmuhna 21:3

Tokhom panin nakpi takin awging khat ka za a, “Tu-in Pasian omna inn pen mite tawh om khawm ta hi. Pasian in amaute ompih dinga, amaute pen ama mite hi ding uh hi. Pasian mahmah amaute tawh om khawm dinga, amah pen amauteʼ Pasian hi ding hi.