Johan 14:21 - Tedim Bible Revision 2017

²¹ Keima thupiakte sangin a zuite in keimah hong it ahi uh hi. Kei hong it mite pen ka Pa in zong it dinga, keimah in zong itin amaute tungah ka kilang ding hi,” a ci hi.

Tedim Bible

²¹ Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Johan 14:21 Referans Kwoze

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

1 JOHAN MASA 2:5

Ahi zongin ama thu a zui mite pen Pasian a itna a kicingtaak taktak mi ahi hi. Hih bangin i gamtat leh Pasian tawh a kipawl taktak ihihna i thei hi.

2 JOHAN NIHNA 1:6

Itna thu kong gen ciangin Pasianʼ thupiakte zui ding cihna ahi hi. A kipat cil a kipan na zak sa uh ahi hih thupiakna pen na khan tawntungun zui-in itna na nei ta un.

Thu-hilhkikna 11:13

“Topa na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tu ni-a kong gen ama thupiaknate na zuih uh leh,

Johan 16:27

Bang hang hiam cih leh note in kei hong itin, Pa kiang panin a hong pai ka hihna thu um na hih manun Pa mahmah in note hong it ahihna hang ahi hi.

Luka 11:28

Ahi zongin Jesu in, “Pasianʼ thu za-in a zuite hampha zaw lai hi,” ci-in a dawng hi.

Johan 15:14

Ka hong thupiak bangin na gamtat uh leh ka lawmte na hi uh hi.

Mangmuhna 3:20

Kongkhak ah dingin kong ka hong kiu hi. Ka aw za-in kong hong honte kiangah lutin an ka nekhawm ding uh hi.

Mangmuhna 22:14

Khuapi kulh kongpi sungah a lut theih nading le nuntakna singgah a nek theih nadingun a puan uh a siangin a sawp mite, mi hampha ahi uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuʼ maitang a taangsak Pasianʼ vangliatna thu theih nading khuavak ka ngah theih nadingun kote lungsim sungah khuavak hong taangsak hi.

Mangmuhna 2:17

Tua ahih manin zak nading bil a neite in Kha Siangtho in pawlpite kiangah a gen thute na za un. A gualzo mi tungah a kiselcip manna an pawl khat le min thak a kigelhna suangkang khat ka pia ding hi. Tua suangkang pen a ngahte sim loh kuamah dang in thei lo ding hi.

Johan 17:23

Leitung mite in kei na hong sawlna thu a theih nading le kei na hong it mah bangin amaute na itna thu a theihna hangun amaute pum khat a suah taktak theih nadingun amaute lakah kei ka om a, kei tawh nang na hong om khawm hi.

Late 35:27

Kei thutang ka hihna lahkhiat ding a deihte lungdamin awngin, kipaaksak inla, “A nasem paʼ hoihna ah a lungkim Topa lian hi,” cicisak in.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasianʼ tate hong kici a, hong kicih mah bang ihi takpi hi. Leitung mite in tu hun ciang dong Pasian thei lo uh ahih manin eite zong a hong thei lo uh ahi hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Jeremiah 31:31

“En un, Topa in kong cih in ah, Israel minamte le Judah minamte tawh thuciamna thak khat ka bawl ni hun hong tung ding hi.

Johan 16:14

Amah in keima gen ding thute note tungah hong gen ding ahih manin Pasianʼ pianzia ka neihna hong kilangsak ding hi.

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

2 KORIN NIHNA 3:18

Tua ahih manin eite khempeuh i maitang hong kiliah nawn loin Topaʼ minthanna vang taang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawl pha a, minthanna khat panin minthanna sang zaw ah hong omsak hi.

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuan khia mengmeng in,’ hong ci hi.

2 KORIN NIHNA 12:8

Tua natna tawh ka kipelh theih nadingin Topa kiangah thum vei tak thu ka ngen hi.

Paikhiatna 33:18

Moses in, “Kong thum hi; na vangliatna kei hong lak in,” a ci hi.

Thu-hilhkikna 7:13

Amah in note hong itin, tampi hong phasak ding hi. Amah in note tungah piak dingin na pu na pate uh tungah a ciam gam sungah noteʼ suanlekhakte le na gam sung panun a piangte, na an uh le na leenggahzu uh le na sathau uh le na ganhingte uh pungsakin, na tuulekeel no honte uh zong thupha pia ding hi.

Paunak 8:17

Kei hong itte ka it a, kei hong zong peuhmahte in hong mu uh hi.

2 KUMPI NIHNATE 18:6

Bang hang hiam cih leh amah in Topa kip takin len hi. Amah zuihna panin kihem khia lo a, Topa in Moses tungah a gen thupiaknate a zui hi.