Johan 14:20 - Tedim Bible Revision 2017

²⁰ Tua hun ciangin Pa sungah kei ka omna thu le note sungah ka hong om mah bangin keima sungah na omna thu uh na thei ding uh hi.

Tedim Bible

²⁰ Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 14:20 Referans Kwoze

Johan 17:26

Kei na hong itna zah itna mah amaute sungah omin, amaute tawh kei ka om khawm theih nadingin amaute tungah nangma min ka gen khin a, mai lamah zong ka gen lailai ding hi,” ci-in thu a ngen hi.

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

1 JOHAN MASA 4:12

Kuamah in Pasian mu ngei lo hi. Ahi zongin eite khatlekhat i ki-it leh eite tawh Pasian hong om khawm a, ama itna eite lakah a cingtaakin a om ahi hi.

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

ROM (Romans) 8:1

Ahi zongin tu-in ahihleh Khris Jesu tawh kipawlin a nungta mite pen mawhna thukhenna tawh kipelh hi.

Johan 10:38

Ahi zongin keimah in ka Paʼ na sem ka hih manin keima thu na hong um nuam lo uh ahi ta zongin, Pa tawh pum khat ka hihna thu na theih nadingun ka nasepnate na up dingun kilawm buang hi,” a ci leuleu hi.

2 KORIN NIHNA 13:5

Thu um taktak mah ihi hiam, ci-in nomau mahmah ki-entel un. Na ki-ettelna uh ah a cingtaak lo na hih kei nak-uh leh note sungah Jesu Khris om ahih thu thei un.

Kolose 1:27

Pasian in mi khempeuh adingin a koihcing hih a thupi a deihhuai a thusim pen ama mite tungah pholak ding a sawm ahi hi. Tua thusim in: Khris tawh a kipawlte in Pasian tawh minthanna ngahkhawm ding hi, cihna ahi hi.

Johan 16:26

Tua hun hong tun ciangin, Pa Pasian kiangah ka hong ngetsak ding hi, ka hong ci nawn kei dinga, nomau mahmah in ka min suangin Pa kiangah na ngen pah ding uh hi.

Kolose 2:9

Bang hang hiam cih leh mihing hong suahna sungah Khris in Pasianʼ pianzia khempeuh a kimtakin nei a,

Kolose 1:19

Tua Tapa in Pasianʼ pianzia a kimin a neih nading, Pasian mahmah in a seh sa ahi hi.

Johan 6:56

Ka sa ne-in ka si a dawnte pen kei tawh pum khat ka hi uh hi.

2 KORIN NIHNA 5:17

Tua ahih manin mi khatpeuh, Khris tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi.

Johan 17:11

Tu-in nangma kiangah kei a hong pai ta ding ka hih manin leitungah ka om nawn kei dinga, ahi zongin amaute a om lai ding uh ahi hi. Tua ahih manin a Siangtho ka Pa aw, nang le kei pum khat ihih mah bangin amaute zong pum khat ahih nadingun na vangliatna tawh hoihtakin na kem in.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Efesa 2:10

Eite a hong bawlpa pen Pasian hi a, Jesu Khris tawh i kipawl ciangin i nuntakna ah gamtat hoih a nei dingin a hong bawl ihi hi. Hih pen eiteʼ om zia dingin a na ngaihsut kholh sa ahi hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Johan 17:7

Tu-in amaute in keima neih khempeuh nangma hong piak ahihna thu a thei uh hi.

2 KORIN NIHNA 12:2

Tu ma kum sawm le kum li hun lai-in vantung a dawl tungnung pen ah Khristian khat kila to hi. A pumpi taktak hiam, maang mu ahi hiam ka thei kei hi. Pasian in thei hi.

2 KORIN NIHNA 5:19

Tua ahih manin koteʼ thugen bulpi in: Pasian in miteʼ mawhnate ngaihsun nawn loin, Khris hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi.

ROM (Romans) 16:7

Jew mipih ahih banah ka thongkiat pih ahi Andronikas le Junias zong na hopihsak un. Amaute pen keiʼ Khristian suah ma pekin a na suak khin sate na hi uh a, sawltakte khempeuh in a theihkim uh mite ahi uh hi.

Johan 14:11

Pa tawh pum khat ka hihna thu hoihtakin hong um un. Na hong up nai kei uh leh zong ka nalamdang bawlnate hangin hong um beek un.