Johan 14:19 - Tedim Bible Revision 2017

¹⁹ Tawl khat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Tedim Bible

¹⁹ Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Johan 14:19 Referans Kwoze

Johan 16:16

“Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Johan 7:33

Jesu in tua mite kiangah, “Note lakah tawl khat ka om lai dinga, tua ciangin kei hong sawl pa kiangah ka pai ding hi.

Johan 11:25

Tua ciangin Jesu in, “Keimah in a si sa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah dinga, tua na lungdamna uh kuamah in hong beisak thei lo ding hi.

ROM (Romans) 8:34

Tua ahih manin kua in amaute tungah thu khen thei nawn ding ahi hiam? Eite adingin a hong thumsak pa pen Pasianʼ tak lamah a tu, a sih khit ciangin sihna panin a kihingkiksak Khris Jesu hi lo ahi hiam?

ROM (Romans) 5:10

Pasian tawh eite i kilangneih laitakin ama Tapaʼ sihna hangin amah tawh hong kilemsak ahihleh tu-in Pasian tawh kipawl khinta ihih manin Khris nuntakna in eite hong hon khia zo zaw kan ding hi lo ahi hiam?

1 KORIN MASA 15:20

Ahi zongin a thuman taktak ci lehang, a si sa mite zong hingkik takpi ding hi cih a kitel theih nadingin sihna panin Khris kihingkiksak khinzo hi.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 13:33

Ka tate aw, note tawh sauvei ka hong om khawm nawn kei ding hi. Note in kei na hong zong ding uh a, ahi zongin Jerusalem khua-a Jew uliante kiangah, ‘Ka paina munah na hong pai thei kei ding uh hi,’ ci-in ka gen mah bangin note kiangah zong tu-in kong gen hi.

Johan 12:35

Jesu in, “Note kiangah tawmvei sung khuavak hong om lai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.

Johan 8:21

Tua ciangin Jesu in amaute kiangah, “Kei ka paikhia ding hi. Note in kei na hong zong ding uh a, ahi zongin na mawhna uh na sihpih ding uh hi. Ka paina ah note na hong pai thei kei ding uh hi,” a ci hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Sawltak 10:41

Mi khempeuh tungah kilangsak loin, a thei teci dingin Pasian in a hong teel sa kote bek tungah hong kilangsak hi. Sihna panin a hinkik khit ciangin kote in amah tawh an nekhawm tui dawnkhawmin ka om uh hi.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.