Johan 14:18 - Tedim Bible Revision 2017

¹⁸ “Note a cimawh dingin ka hong nusia kei ding hi. Note kiangah ka hong paikik ding hi.

Tedim Bible

¹⁸ “Keimah in note tagahte bangin kong nusia kei ding a, note kiangah kong pai lai ding hi.

Johan 14:18 Referans Kwoze

Johan 14:3

Kei va pai-in noteʼ om nading mun ka va bawl kholh khit ciangin keima omna munah note na hong om theih nadingun note a hong la dingin ka hong paikik ding hi.

Late 23:4

Topa aw, kei hong ompih na hih manin khuamial thukpi ka nawk hangin ka lau kei hi. Na molhtum le na ciangkhut in kei hong hu hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Johan 14:16

Keimah in Pa kiangah ka ngen dinga, note tawh a om khawm tawntung dingin Thuman a hong lak Kha Siangtho, note hong Huhpa ding a hong pia ding hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Hebru 2:18

Ama pumpi mahmah in ze-etna le gimna thuak ahih manin tu hun ciangin tua bang a thuakte a hong huh thei hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Late 101:2

Paubaanna a om lo thu bek ka kin ding hi. Cik ciangin kei kiangah hong pai ding na hi hiam? Lungsim hoihna tawh ka inn sungah ka gamta ding hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Hosea 14:3

Assiria mite in hong hon khia zo ngei lo dinga, sakol galkapte in zong hong hu zo ngei lo ding uh hi. Koteʼ bawl sa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

Isaiah 51:12

Topa in, “Kei, keimah pen note hong hehnem pa ka hi hi. Lopa sangin sauvei a nungta zaw tuan lo, mihing lellelte, bang hangin kihta na hi uh hiam?

Kah la 5:3

Ka pate uh gal in hong thahsak khin a, ka nute uh meigong suak khin uh hi.

Johan 16:16

“Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,