Johan 14:15 - Tedim Bible Revision 2017

¹⁵ Tua ciangin Jesu in, “Kei na hong it uh leh ka thupiakte zong na zui ding uh hi.

Tedim Bible

¹⁵ “Kei nong it uh leh, ka thupiakna na mang ding uh hi.

Johan 14:15 Referans Kwoze

2 JOHAN NIHNA 1:6

Itna thu kong gen ciangin Pasianʼ thupiakte zui ding cihna ahi hi. A kipat cil a kipan na zak sa uh ahi hih thupiakna pen na khan tawntungun zui-in itna na nei ta un.

1 PETER MASA 1:8

Amah mu ngei lo napi-in na it uh a, amah mu ngei lo napi-in a thu umin kam a gen zawh loh zah dongin nakpi takin na lungdam uh hi.

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

Mattiu 10:37

“Kei sangin a nu a pa a it zawte kei tawh kilawm lo a, kei sangin a tapa a tanu a it zawte kei tawh kilawm lo hi.

Johan 8:42

Jesu in, “Kei pen Pasian kiang panin hong pai-in hih lai ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong pai tawm ka hi kei a, ama hong sawl ka hi hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

Efesa 6:24

Tatsat loin i Topa Jesu Khris a it tawntung mi khempeuh tungah hehpihna thupha hong tung tahen.

2 KUMPI NIHNATE 18:6

Bang hang hiam cih leh amah in Topa kip takin len hi. Amah zuihna panin kihem khia lo a, Topa in Moses tungah a gen thupiaknate a zui hi.