Johan 14:1 - Tedim Bible Revision 2017

¹ Tua ciangin Jesu in a nungzuite kiangah, “Note lunghimawh kei un. Pasian um unla, kei zong hong um un.

Tedim Bible

¹ Khatvei Zeisu in, “Note lungmang kei un; Pasian um un la, kei zong hong um un.

Johan 14:1 Referans Kwoze

Isaiah 26:3

Topa aw, nang hong muang a, nangma tungah a lungsim khempeuh a koih mipa lungnopna kicing pia ta in.

Johan 12:44

Tua ciangin Jesu nakpi takin kiko a, “Kei hong um khempeuh in kei bek hong um hi loin kei hong sawl pa zong a um ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Late 43:5

Bang hangin kha kunkun a, lunghimawh niloh ka hi hiam? Pasian sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Johan 13:19

Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Efesa 1:15

Note in Topa Jesu na muanna thu uh le thu umte khempeuh na itna thu uh ka zak hun a kipanin,

Johan 12:27

Tua khit ciangin Jesu in, “Tu-in ka lunggim mahmah hi. Bang cih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

2 THESALONIKA NIHNA 2:2

Topaʼ hong pai ding ni hong tung khinta hi, ci-a thu kigenna hangin lunghimawhin lungmangin om kei un. Thuhilh khat peuhpeuh in hih bang thu hong gen kha thei dinga, tua thu pen koteʼ gen leh gelh hi, ci-in zong gen kha ding uh hi.

2 KORIN NIHNA 2:7

Tua ahih manin a mawhna maisak ta unla hehnem zaw un. Tua hikeileh dah lua-in siatlawh kha ding hi.

Johan 11:33

Jesu in Mary le amah hong zui Jew mite a kahna a muh ciangin a lungsim nakpi takin su kha-in lunggim mahmah ahih manin,

Jeremiah 8:18

Ka dahna dam thei lo a, ka lungsim na mahmah hi.

Johan 16:3

Amaute in ka Pa ahi a, kei ka hi zongin hong thei lo uh ahih manin tu-a bangin note a hong bawl ding uh ahi hi.

Late 77:10

Tua bang ahihleh, “Sangpen paʼ hat nawn lohna pen ka khakham veina ahi hi,” ka ci hi.

Johan 16:6

Ahi zongin hih thute kong gen ciangin na lungsim uh dah mahmah hi.

Johan 16:24

Tu ni ciang dong keima min suangin bangmah na ngen nai kei uh hi. Tua ahih manin ngen le-uhcin hong kipia ding ahih manin na lungdamna uh hong cingtaak ding hi.