Johan 13:7 - Tedim Bible Revision 2017

⁷ Jesu in, “Tu-a ka gamtatna thu na theih loh hangin nidang ciangin na thei ding hi,” a ci hi.

Tedim Bible

⁷ Zeisu in, “Tu lai taka ka bawlna thu na thei kei hi. Tu nung ciangin na thei ding hi,” a ci hi.

Johan 13:7 Referans Kwoze

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Johan 12:16

Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh dinga, note tungah ka hong gen sa thu khempeuh zong hong phawksakkik ding hi.

Daniel 12:12

Ni tul khat za thum sawm thum le nga sung muanhuai takin a ngak zo kenkante in thupha a ngah ding uh hi.

Johan 13:36

Tua ciangin Simon Peter in, “Topa aw, koi ah pai ding na hi hiam?” ci-in a dot ciangin Jesu in, “Ka paina dingah tu-in na hong zui thei nai kei ding hi; ahi zongin nidang ciangin na hong zui ding hi,” ci-in a dawng hi.

Jeremiah 32:43

Nangmah in, hih gam pen mihing le ganhing a ten lohna gam simtham hi dinga, Khaldea miteʼ khut sungah kipia ding hi, ci-in na gen hangin tu-in hih gamah lo kileikik ta ding hi.

Johan 13:6

Simon Peterʼ khe silsak dingin a kipat ciangin Peter in, “Topa aw, ka khe hong silsak zenzen ding na hi hiam?” a na ci hi.