Johan 13:5 - Tedim Bible Revision 2017

⁵ Tua ciangin kuangpi sung khat ah tui sung a, a nungzuiteʼ khe silsakin a kawng ah a teen a mainulpi tawh a nul keusak dingin a kipan hi.

Tedim Bible

⁵ Tua ciangin kuang sungah tui sungin a nungzuite’ khe silsak a, a kawng a, a ten’ dial tawh a nul hi.

Johan 13:5 Referans Kwoze

Luka 7:44

Tua ciangin numei lamah Jesu kihei a, Simon kiangah, “Hih numeiʼ gamtatna na mu hiam? Na inn ah kong pai a, ka khe sil nading tui nong pia kei hi. Ahi zongin amah in a khitui tawh ka khe hong silsak a, a sam tawh hong nul keusak hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Piancilna 19:2

“Ka tote aw, kong thum hi. Na nasem paʼ inn lamah hong kihei-in hong giak unla, na khete uh sil un. Tua ciangin zingsangin tho baihin na pai nading lam uh ah pai pan un,” a ci hi. Amaute in, “Hi lo hi; khua lakah ka giak ding uh hi,” a ci uh hi.

1 TIMOTI MASA 5:10

Tua banah a gamtat hoihna a kitheite, a tate hoihtakin a khansuah sate, a inn ah zin le leengla do a siam mite, kiniamkhiatin Pasianʼ miteʼ khe a silsakte, a lungkham mite a huhte le thu khempeuh ah a hoih gamtat mite hi lai ding uh hi.

Piancilna 18:4

Na nasem paʼ kiang hong tung khin na hih khit buangun na thahatkik nadingun an tawm khat ka va lak kikal sungin tui tawm khat lasakin na khe uh sil unla, sing nuai ah khawl un; tua khit ciangin paisuak un,” a ci hi. Tua ahih ciangin amaute in, “Na cih bangin hong hih in,” a ci uh hi.

Mangmuhna 7:14

“Ka thei kei hi, topa aw. Nangmah in na thei zaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawp siangin Tuuno sisan tawh a paaksak uh ahi hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

Efesa 5:26

Pawlpi pen paubaanna a om het lo, a siangtho mahmah in Khris kiangah a kipiak theih nadingin Pasian thu tawh tui ah a silsiang khit ciangin Pasian kiangah a ap theih nadingin pawlpi adingin Khris a kipia ahi hi.

1 KORIN MASA 6:11

Note pawl khat, tua bangin na gamta uh hi. Ahi zongin note pen i Topa Jesu Khris le i Pasianʼ Kha Siangtho hangin mawhna panin a hong kisiangsak khin sa, Pasianʼ tungah a kipia sa, Pasian tawh a kipawl sa mite na hi uh hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

2 KUMPI NIHNATE 3:11

Tua ciangin Jehoshafat in, “Ama tungtawnin Topaʼ tungah thu i dot theih nadingin hih lai ah Topaʼ kamsang om lo ahi hiam?” a ci hi. Tua ciangin Israel kumpipaʼ nasemte khat in dawngin, “Elijah a huhpa om a, Shafatʼ tapa Elisha ahi hi,” a ci hi.

1 SAMUEL MASA 25:41

Tua ciangin amah dingin lei ah mai kun a, “En un, na nasem nu uh ka topaʼ nasemteʼ khe a silsak ding nasem ahi hi,” a ci hi.

Siampi Laibu 14:8

A kisiangsak ding mipa in a puante sawpin, a mul khempeuh met khia-in, tui sungah a mahmah kisilin, amah a siang hi ding hi. Tua khit ciangin amah giahphual ah hong ciah dinga, ahih hangin ama puanbuk pua lamah ni sagih sung om ding hi.

1 JOHAN MASA 5:6

Hih Jesu Khris pen tui tawh kiphumna le a sisan luangin sihna tawh a hong pai hi a, tui bek tawh a hong pai hi loin tui le sisan tawh a hong pai ahi hi. Kha mahmah in hih thu a manna teci a pang hi. Kha pen thuman gen ahi hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Johan 19:34

Ahi zongin galkapte khat in a teipi tawh Jesuʼ pangpi a sut leh sisan le tui hong leeng khia hi.

Luka 7:38

Jesuʼ nungah tu-in kap a, a khitui tawh Jesuʼ khete kawtsakin a sam tawh nulsak a, a khete namin a sathau puak a nuh hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Ezekiel 36:25

Note tungah tui siangtho kong theh dinga, na milim biakna uh le note hong ninsak na dang khempeuh panin kong siangsak ding hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Isaiah 1:16

Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

Paikhiatna 29:4

“Kikhopna buk kongkhak ah Aaron le a tapate na paipih dinga, tui tawh amaute na sil ding hi.

Johan 13:10

Jesu in, “A kipumsil khin sa mite siangtho ta ahih manin a khe sim loh silkik ding kisam nawn lo hi. Note sung panin khat sim loh na vekpi-un na siang khin uh hi,” a ci hi.

Johan 13:8

Peter in, “Nang peuhmah ka khe ka hong silsak ngei buang kei ding hi,” a cih ciangin, “Na khe hong silsak kei leng, kei tawh na kipawl thei nawn kei ding hi,” a ci hi.

Piancilna 43:24

Mipa in Josefʼ inn ah amaute paipihin, amaute tui pia-in, amaute in a khe uh sil khinin, amah in amauteʼ late gan-an a piak khit ciangin,

Thukhente 19:21

Tua ahih ciangin amah in a inn ah ciah pihin late gan-an a pia hi. Amaute in a khe uh silin an a ne uh hi.

Johan 13:6

Simon Peterʼ khe silsak dingin a kipat ciangin Peter in, “Topa aw, ka khe hong silsak zenzen ding na hi hiam?” a na ci hi.