Johan 13:11 - Tedim Bible Revision 2017

¹¹ Jesu in amah a lehhek ding pa thei khin ahih manin, “Note sung panin khat sim loh na siang khin uh hi,” a ci ahi hi.

Tedim Bible

¹¹ A lehheek ding pa theikhol ahih ciangin, “Note na vekpi-un na siang kei uh hi,” a ci hi.

Johan 13:11 Referans Kwoze

Johan 13:26

Jesu in, “Anlum, meh sungah diahin ka piak ding pa ahi hi,” a cih khit ciangin a anlum diahin Simon Iskariotʼ tapa Judas a pia hi.

Johan 13:21

Jesu in hih thu teng a gen khit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a gen khia hi.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:2

Jesu le a nungzuite nitak an ne-in a tukhawm uh hi. Tua hun laitakin dawimangpa in Simon Iskariotʼ tapa Judasʼ lungsim sungah Jesu lehhek nading ngaihsutna koih khinzo hi.

Johan 2:25

Amah in miteʼ lungsim tawng dong thei ahih manin mite a bangci mi ahi hiam cih thu midangte in ama kiangah a gen ding kisam lo hi.

Johan 17:12

Amaute tawh ka om khawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa sim loh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Johan 18:4

Jesu in zong ama tungah a piang ding thu khempeuh thei khin ahih manin hong pai khia-in amaute kiangah, “Kua zong na hi uh hiam?” ci-in a dong hi.