Johan 12:49 - Tedim Bible Revision 2017

⁴⁹ Bang hang hiam cih leh keima utthu tawh thu a mawk gen ka hi kei a, kei hong sawl Pa Pasian in ka gen ding thu teng a hong piak ahi hi.

Tedim Bible

⁴⁹ Bang hang hiam na cih uh leh, ka ut bangin ka gen kei hi, kei hong sawl Pa kiang panin bangci gen ding, bangci hilh ding ci-in thupiakna ka ngah hi.

Johan 12:49 Referans Kwoze

Johan 14:10

Kei pen Pa tawh pum khat ka hih lamtak um lo na hi hiam? Note tungah kong gen thute keima thu bek tawh a hong gen ka hi kei a, kei tawh a om Pa Pasian in na semin a hong gen ahi hi.

Johan 8:26

Noteʼ thu genin, noteʼ thu ka khen ding tampi tak om hi. Kei a hong sawl pa a thuman a thutak hi a, ama tung panin ka zak sa thute bek leitung mite tungah a pulak ka hi hi,” ci-in a dawng hi.

Johan 5:30

“Keima thu guak tawh ka hih theih bangmah om lo hi. Pasianʼ hong genna bang bekin thu ka khen hi. Keima ut bangin sem loin kei hong sawl paʼ deih bangin sem ka hih manin ka thukhenna thuman hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Thu-hilhkikna 18:18

Amau sanggamte lak panin nang tawh a kibang kamsang khat amaute adingin ka khangsak ding hi. Ama gen dingte ka hilh dinga, amah ka thupiak khempeuh amaute tungah a gen ding hi.

Johan 14:31

Ahi zongin leitung mite in Pa Pasian ka itna thu a theih nadingun Paʼ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 15:15

Nasemte in a toteʼ nasepna bangmah thei lo ahih manin note pen nasemte ka hong ci nawn kei ding hi. Ka Paʼ tung panin ka zak thu khempeuh note kiangah hong gen khin ka hih manin note, lawm, ka hong ci zaw ding hi.

Johan 8:42

Jesu in, “Kei pen Pasian kiang panin hong pai-in hih lai ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong pai tawm ka hi kei a, ama hong sawl ka hi hi.

Johan 3:32

Amah in a muh sa leh a zak sa thu a gen hi napi-in kuamah in ama thugen um lo uh hi.

Johan 3:11

A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Mangmuhna 1:1

Hih laibu pen a piang baih ding thute, Pasianʼ nasemte tungah a lah dingin Pasian in Jesu tungah a thu pia a, Jesu in mang sungah a lah thute ahi hi. Khris in ama vantungmi sawl a, a nasem pa Johan kiangah hih thute a kilangsak hi.

Johan 5:19

Tua ahih manin Jesu in amaute kiangah, “A mantakin gen lehang: Tapa in ama thu bek tawh bangmah sem lo a, a Pa in a sep a muh teng bek a sem ahi hi. Tua hi a, a Pa in a sep teng mah a Tapa in zong a sem ahi hi.

Johan 6:68

Simon Peter in, “Topa aw, ciah le ung kua kiang zuan mawk ding ka hi uh hiam? Nangmah in nuntak tawntung nading thu na nei hi.

Johan 7:16

Tua ahih manin Jesu in, “Ka thugente pen keima thu hi lo a, kei a hong sawl Pasian kiang panin a hong pai thu ahi hi.

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 14:24

Kei hong it lote in ka thugente zui lo ding uh hi. Tu-a na zak uh thute pen keima thu hi lo a, kei hong sawl Pa Pasian kiang panin a hong pai thu ahi hi.