Johan 12:37 - Tedim Bible Revision 2017

³⁷ Amauteʼ muhin Jesu in hih nalamdang khempeuh a bawl hangin amaute in um lo uh hi.

Tedim Bible

³⁷ Tua zah nalamdang tampi amaute mai-ah a lah hangin, amau in a um kei uh hi.

Johan 12:37 Referans Kwoze

Luka 16:31

Ahi zongin Abraham in, ‘Amaute in Moses le kamsangteʼ thu a man nop kei uh leh, mi khat hong hingkikin amaute kiangah a va gen hangin umsak zo tuan lo ding hi,’ ci-in a dawng hi,” a ci hi.

Johan 15:24

Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 1:11

A khua le a tui ah va pai a, ahi zongin a khuapih a tuipihte in ama thugen na ngai lo uh hi.

Johan 11:42

Ka thungetna na hong ngaih tawntungna thu ka thei a, ahi zongin hih lai ah a om mite in kei na hong sawlna thu a up theih nadingun tu-a bangin kam a hong pau ka hi hi,”

Mattiu 11:20

Tua ciangin Jesu in nalamdang tampi a bawlna mun khuapi mite kisik nuam lo uh ahih manin taii bawl ding kipan a,

Johan 2:11

Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 6:2

Jesu in cinate damsakin nalamdang lian pipi a bawlte mi tampi in mu khin uh ahih manin mi tampi tak in Jesu nung a zui uh hi.

Johan 12:36

Khuavak mite na suah theih nadingun khuavak na neih hun sungun tua khuavak um un,” a ci hi. Jesu in hih thu teng a gen khit ciangin pai khia-in amaute kiang panin a bu hi.

Johan 12:38

Kamsang Isaiah in, “Topa aw, kua in ka thugente um a, Topaʼ vangliatna kua tungah kilak ahi hiam?” ci-in a genna thu a tun nading ahi hi.