Johan 12:32 - Tedim Bible Revision 2017

³² Leilak panin kei hong kikhai toh ciangin ka kiangah mi khempeuh ka kai ding hi,” a ci hi.

Tedim Bible

³² Keimah leitung pan hong kikhai ciangin mi khempeuh keima kiangah ka kai ding hi,” a ci hi.

Johan 12:32 Referans Kwoze

Johan 8:28

Tua ahih manin Jesu in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin keiʼ thu bek tawh bangmah hih loin, ka Paʼ hong hilh sa teng bek a gen ka hihna thu na thei ding uh hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai dinga,

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khris mahmah in eiteʼ mawhna ama pumpi mahmah tawh singlamteh tungah a pua hi. B

Johan 6:44

Kei hong sawl Pa in a kaih loh mite ka kiangah hong pai thei lo dinga, ka kiangah hong pai mite nitawp ni ciangin ka hingsak ding hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

1 TIMOTI MASA 2:6

Mi khempeuh a tan khia dingin tua Jesu hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

Hebru 2:9

Ahi zongin Pasianʼ hehpihna hangin mi khempeuh adingin Jesu a sih theih nadingin tawl khat sung vantung mite sangin a neu zaw-in a kibawlna i mu a, sihna a thuakna hangin minthanna le pahtawina a ngahna thu i thei hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

Johan 1:7

mi khempeuh in ama thugenna za-in tua khuavak a up theih nadingun tua khuavak thu a gen dingin a hong pai ahi hi.

Hosea 11:4

Amaute, itna le hehpihna tawh ka len a, dom to-in ka biang ciangah ka tawi a, awn sukin an ka pia hi.

Mangmuhna 5:9

Amaute in la thak khat sa uh a, “Nang Tuuno, tua laizial a la khia ding le a ciaptehnate a la khia dingin na kilawm hi. Nang hong kigo khin ahih manin mi namkim le pau namkim a pau mite sung panin na sisan tawh Pasian adingin mite na lei khin a,

1 PETER MASA 3:18

Khris mahmah zong note adingin si a, Pasianʼ kiangah hong tunpih theih nadingin mihoih khat pen mihoih loteʼ mawhna hangin khatvei a si hi. Mite in ama leitung pumpi that a, ahi zongin Pasian in kha nuntakna a pia hi.

Johan 19:17

Tua ahih manin amaute in Jesu la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Johan 12:34

Tua ciangin mihonte in, “Khris nungta tawntung ding hi, ci-in Thukham sungah kigen hi. Bang hangin Mihing Tapa kikhai to ding ci na hi hiam? Hih Mihing Tapa kua ahi hiam?” a cih uh ciangin

Solomon la 1:4

Hong kai inla zawltai ni. Ka kumpi hong hi inla, na inn ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaih khak tuahpha ing.

2 SAMUEL NIHNA 18:9

Davidʼ nasemte in Absalom tuak kha uh hi. Absalom a la tungah tuang a, tawsaw lianpi hiang pha nuai khat ah a la tai-in, a lutang tawsaw hiang lakah awk a, ama nuai panin a la taisuakin, vanlelei kikalah amah a kikhai-in kinusia hi.

Isaiah 11:10

Tua ni ciangin Jessiʼ zung pen mihingteʼ tungah lim khat hi ding hi. Minamte in amah zong ding uh a, ama omna mun minthang mahmah ding hi.

Johan 18:32

(Jesu in ama sihna ding zia a gen sa thu a tun theih nadingin hih bangin a piang ahi hi.)

Gamlak-vakna 21:9

Tua ahih ciangin Moses in sumngo gul khat bawl a, khuam khat tungah a khai hi. Gul in mi khatpeuh a tuk leh amah in tua sumngo gul enin hing pah hi.