Johan 12:31 - Tedim Bible Revision 2017

³¹ Tu-in leitung thukhen ding hun hong tung ta a, hih leitung a ukpa kilawn khia ding hi.

Tedim Bible

³¹ Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

Johan 12:31 Referans Kwoze

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khris minthanna hangin amaute tungah a hong taang lungdamna thu khuavak mu thei lo uh hi.

1 JOHAN MASA 5:19

Leitung midang khempeuh Dawimangpaʼ khut sungah a om ahi zongin eite pen Pasianʼ mi ihihna thu i thei hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Johan 14:30

Tu-in hih leitung a ukpa hong tung ta ahih manin note kiangah thu kong gen man nawn kei ding hi. Amah in keima tungah aana nei lo hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Kolose 2:15

Amah in huihlak a ukte le vangliatna a nei khempeuh, singlamteh tungah zo gawp khin a, gal zote in a sal matte a kaih uh bangin mi khempeuh muhin a gualzawhna a lak hi.

1 JOHAN MASA 4:4

Ka it tate aw, note, Pasianʼ mite na hi uh a, tua bang kamsang kineihkhemte a zo khin na hi uh hi. Bang hang hiam cih leh leitung mite a panpih dawimangpa sangin note hong ompih Pasian vanglian zaw hi.

Mattiu 12:28

Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Isaiah 49:24

A thahatpaʼ kiang panin nate kila khia zo dinga, thukhauh paʼ mat mite kihon khia zo ding ahi hiam?

Johan 3:19

Tua bangin mawhsak thukhenna a thuakna uh a hang in: Leitungah khuavak hong tung khin napi-in a gamtatna uh hoih lo ahih manin leitung mite in khuavak sangin khuamial deih zaw uh hi.

Johan 9:39

Tua ciangin Jesu in, “Mittawte in khua a muh theih nading le khua mu thei a kineite mittaw a bat theih nadingin leitungah thukhen dingin a hong pai ka hi hi,” a ci hi.

1 KORIN MASA 1:20

Tua ahih manin tu hun a mipilte, miteite le thusel a siamte, bangin kimang ahi hiam? Hih leitung pilna pen haina a suahsak khitna kilang khinzo hi.

1 KORIN MASA 1:21

Pasian in ama pilna hong zang a, mihingte in amauʼ pilna tawh pasian a theih zawh loh nadingun a bawl hi. Tua ahih manin mite in, “A haihuai thu,” ci-in a ngaihsut uh i thuhilhna a umte, Pasian in hotkhiatna a pia zaw hi.