Johan 12:26 - Tedim Bible Revision 2017

²⁶ Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Tedim Bible

²⁶ Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 12:26 Referans Kwoze

Galati 1:10

Hih bangin thu ka gen ciangin miteʼ hong pahtak theih nading a zong tawh kibang na hong sa uh hiam? Miteʼ pahtak ding a ut ka hi kei a, Pasianʼ hong pahtak ding a hanciam ka hi hi. Mihingteʼ hong pahtak theih nadingin a gamta hi zenzen leng, Khrisʼ nasem ka hi kei ding hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Kolose 3:24

Topa in note tungah thaman a hong piak ding lamtak phawk gige un. Tua bangin na sepna uh ah Khris Topaʼ na a semsem na hi uh hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasianʼ teelna tawh sawltak ahi, Jesu Khrisʼ sila keimah Paul in lai ka hong khak hi.

Johan 17:24

Pa aw, leitung a pianmapekin kei na hong itna hangin na hong piak pianzia a mu dingin keimah na hong piak mite zong ka omna ah a hong pai theih nading ka deihsak hi.

Johan 10:27

Keima tuute in ka aw za-in thei uh ahih manin kei hong zui uh hi.

2 KORIN NIHNA 5:8

Lungmuang takin a ki-om hithiat hi a, hih leitung pumpi nusia-in Topa tawh om khawm ding a ki-ut zaw ahi hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

1 JOHAN MASA 5:3

Pasian i it ciangin ama thupiakte a zui ihi hi. Eite adingin ama thupiakte zuih ding a haksa lua hi lo hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

2 KORIN NIHNA 4:5

Bang hang hiam cih leh koteʼ hilh thu pen komauʼ thu hi lo a, Khris Jesu pen Topa ahi hi, ci-in a hilh ka hi uh a, kote pen Khris hangin nomauʼ na a semte ka hi uh hi.

ROM (Romans) 14:18

Hih bang danin Khrisʼ na a sem mite in Pasian lungdamsak a, mite zong a lungkimsak uh hi.

Johan 15:20

‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Paunak 27:18

Theikung a cing pa in a theigah ne a, a tapa a kem pa in pahtakna ngah hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih dinga, amah hon khia-in ka pahtawi ding hi.

Filippi 1:23

Hih thu nih khensat hak ka sa mahmah hi. Kei adingin hoih zaw thampek ahih manin leitung pumpi si-in Khris tawh om khawm ding ka ut hi.

Johan 14:3

Kei va pai-in noteʼ om nading mun ka va bawl kholh khit ciangin keima omna munah note na hong om theih nadingun note a hong la dingin ka hong paikik ding hi.

Johan 13:16

A mantakin ci lehang, sila pen a topa sangin lian zaw ngei lo a, a kisawl pa zong a sawl pa sangin lian zaw ngei lo hi.

Luka 9:23

Tua ciangin Jesu in a nungzuite le mi khempeuh kiangah, “Mi khatpeuh in kei hong zuih nop leh ama deihna bangin gamta nawn loin nisimin a singlamteh pua-in hong zui ding hi.

Mattiu 25:21

a topa in, ‘Hoih mahmah hi; a hoih a citak nasem pa aw, a tawmno na zekna ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Late 17:15

Kei ka hih leh, thumanna tawh na maitang ka en dinga, ka khanlawh ciangin nangma mel muhna tawh ka lungkim ding hi.

Gamlak-vakna 14:24

Ahih hangin ka nasem Kaleb ahihleh, amah in lungsim tuam nei-in limtakin kei hong zui ahih manin, amah in a zuat leitang ah ka tunpih dinga, ama suanlekhakte in tua leitang luah ding uh hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuh ah zui uh a, midang khempeuh sung panin a kitan khia sa, Pasian le Tuuno tungah a kipia masa mite ahi uh hi.

Kolose 4:12

Jesu Khris nasem, noteʼ makai Epafras in zong hong hopih hi. Pasianʼ deihna bangin note nungta-in, lungsim khanghamin kip takin na om theih nadingun amah in thu hong ngetsak tawntung hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Marka 8:34

Tua ciangin Jesu in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.

Mattiu 16:24

Tua ciangin Jesu in a nungzuite kiangah, “Mi khatpeuh ka nungzui a suahnop leh, ama deihna bangin gamta nawn loin, a singlamteh kisuanin hong zui ding hi.

Gamlak-vakna 32:11

‘Amaute in kei hong zui taktak lo uh ahih manin Egypt gam pan a paikhia mite kum sawm nih panin a tungsiah peuhmah khat beek in, Abraham, Isaac le Jakob tungah piak dingin ka ciam sa gam mu lo ding uh hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.