Johan 12:19 - Tedim Bible Revision 2017

¹⁹ Tua ciangin Farisi mite khatlekhat kiho uh a, “Bangmah i cih zo het kei hi. En un, mi khempeuh in amah a zui khinta uh ahi hi,” a kici uh hi.

Tedim Bible

¹⁹ Tua ahih ciangin Farisaite in, “En un, bangmah na zo kei uh hi. Leitung mite khempeuh in ama nung a zui khin ta uh hi,” ci-in khat leh khat a kici uh hi.

Johan 12:19 Referans Kwoze

Sawltak 17:6

Tua inn ah Paul le Silas a muh loh uh ciangin a innteek pa Jason le midang pawl khat kai khia-in uliante kiangah paipih uh a, “Hih mite in mun khempeuh ah buaina piangsak uh hi. Tu-in i khua sung hong tung uh a,

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

1 JOHAN MASA 2:2

Tua Jesu hangin eiteʼ mawhna hong kimaisak a, eite ading bek hi loin leitung mi khempeuhʼ mawhna zong a mai nading ahi hi.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun gal khat ah na om khawm pih ngei pa, ama thu na genna na phawk lai hiam? Tu-in amah in mi tui phumphum a, mi khempeuh in amah zuan uh hi,” ci-in a gen uh leh

Isaiah 27:6

Hong tung ding hunah Jakob in zungkha dinga, Israel palhin dawn khia dinga, leitung khempeuh a gah tawh kidimsak ding hi.

Mattiu 21:15

Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Late 49:1

Hih thu za un, mi khempeuh aw! Ngai un, leitung a a teeng khempeuh,

Johan 12:18

Jesu in tua bang nalamdang lian a bawlna thu mihonte in za khin uh ahih manin amah a dawn dingin a pai uh hi.

Johan 12:20

Pawi hun sungin Pasian bia dingin Jerusalem khua ah a hong pai mite lakah Grik mi pawl khat a om uh hi.