Johan 11:55 - Tedim Bible Revision 2017

⁵⁵ Jew miteʼ Paisan Pawi hun hong nai ciangin, tua pawi kipat ma hun sungin biakna vai-in kisiansuahna a bawl dingin gam sung khuate panin Jerusalem khuapi ah mi tampi hong pai uh hi.

Tedim Bible

⁵⁵ Judah mite’ Paisan pawikham ding nai a, mi tampi in a kisian’thosak nadingun Paisan pawi ma-in gam khempeuh panin Jerusalem khua-ah a paito uh hi.

Johan 11:55 Referans Kwoze

Johan 12:1

Paisan Pawi hun a tun ding ni guk in a sap ni-in sihna panin a thawhsak Lazaras a teenna Bethany khua ah va tung hi.

Johan 6:4

Jew miteʼ Paisan Pawi hun nai mahmah ta hi.

Johan 2:13

Jew miteʼ Paisan Pawi hun hong nai ta ahih manin Jerusalem khua ah Jesu a pai hi.

Paikhiatna 19:10

Topa in Moses kiangah, “Mite kiangah pai inla, tu ni le zing ciang sungteng amaute siangthosakin, amauʼ puante amau mah sawpsakin,

Piancilna 35:2

Tua ahih ciangin Jakob in a innkuanpihte le amah tawh a omte khempeuh kiangah, “Note lakah a om gamdang pasian-te koih khia unla, nomau kisiansuahin, na puante uh khek un.

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

1 KORIN MASA 11:28

Tua ahih manin a kuamah peuh ki-entel masa phot uh henla, tua khit ciangin Topaʼ anlum ne-in a hai panin leenggahzu dawn pan tahen.

Sawltak 24:18

Biakinn sungah keimah kisiansuahna ka bawl khit ciangin amaute in kei hong mu uh a, buaina zong bangmah om lo hi.

Johan 18:28

Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 5:1

Tua khit ciangin, Jerusalem khua ah Jew mite biakna pawi kibawl ahih manin Jesu zong a pai hi.

Johan 2:6

Jew mite in amau biakna ngeina ah kisilsiang nading ngeina nei uh ahih manin tua lai ah tui tambong guk tambong sagih bang a ta thei thambeel pi guk a om hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesu simmatin a thah theih nading uh lampi a zong uh hi.

Mattiu 26:1

Jesu in hih thute a hilh khit ciangin a nungzuite kiangah,

Late 26:6

Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Tu-a bangin Job in hih tawntung hi.

1 SAMUEL MASA 16:5

Amah in, “Thuhoih hi; Topaʼ tungah biakna a pia dingin kong pai hi. Note ki-ap unla, biakpiakna ah kei tawh hong pai un,” a ci hi. Amah in Jessi le a tapate apin, biakpiakna ah amaute a sam hi.

Gamlak-vakna 9:6

Misi luang a lawnna uh hangin a nin mi pawl khat om uh a, tua ni-in amaute in Paisan Pawi kham thei lo uh ahih manin Moses le Aaronʼ mai ah pai uh hi.

Gamlak-vakna 9:10

“Israel mite tungah hih bangin gen in: Noteʼ lakah mi khatpeuh ahi a, na suanlekhakte uh khatpeuh in ahi zongin misi luang lawnna hangin a nin ahi a, khualzinin gamlapi ah a om ahi zongin, Topa adingin Paisan Pawi kham veve ding hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Luka 22:1

Tu-in Paisan Pawi a kici Silngo Sawh loh Anlum Pawi hun hong nai ta hi.

Sawltak 21:24

Tua mite tawh va kipawl inla, a kisiansuahna uh ah nang zong va kihelin, a sum bei teng khempeuh nangmah in sik in. A kisiansuah khit uh ciangin amaute in a sam uh met thei ta ding uh hi. Hih bangin gamta lecin a beisa huna nangma thu a kigente khempeuh a man khat zong om loin, nang mahmah zong Moses Thukham a zui na hihna thu mi khempeuh in hong thei ding uh hi.

Sawltak 21:26

Tua ahih ciangin Paul, a zing ciangin tua mi lite tawh va pai khawmin kisiansuahna a va bawl uh hi. Tua ciangin biakinn sungah amah va pai a, a kisiansuah hunsung uh a hun sawt ding tan, tua mi lite adingin biakna a kipiak ding ni a va zasak hi.