Johan 11:48 - Tedim Bible Revision 2017

⁴⁸ Hih bangin omom sak lehang mi khempeuh in amah um ding uh a, Rom kumpite in i Biakinnpi hong suksiatsakin i minam bup zong hong su gawp ding uh hi,” a kici uh hi.

Tedim Bible

⁴⁸ Hih mi i koihkhong leh, mite khempeuh in amah a um ding uh a, Rom mite hong pai-in eite omna gam ahi zongin, eite pawl ahi zongin hong susia ding uh hi,” a ci uh hi.

Johan 11:48 Referans Kwoze

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.

Luka 11:52

No Thukham hilh siate in gimna na thuak ding uh hi. Note in pilna ngah theih nading konghonna tawhtang nei napi-in a sungah note na lut tuan kei uh a, a tum dingin a paite zong lah na khaktan uh hi,” a ci hi.

Luka 8:12

Lam dungah khaici a tukna munte pen Pasianʼ thu a zate a cihnopna ahi hi. Tuate in Pasianʼ thu a zak hangun a thu um loin, hotkhiatna a ngah loh nadingun Dawimangpa hong pai-in a lakkhiatsak hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a hal tum sak hi.

Johan 1:7

mi khempeuh in ama thugenna za-in tua khuavak a up theih nadingun tua khuavak thu a gen dingin a hong pai ahi hi.

Mattiu 22:9

Tua ahih manin lam lianpi ah va pai unla, mi na muh zahzah uh hong sam un,’ a ci hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuʼ cihnopna thei ta un),