Johan 11:42 - Tedim Bible Revision 2017

⁴² Ka thungetna na hong ngaih tawntungna thu ka thei a, ahi zongin hih lai ah a om mite in kei na hong sawlna thu a up theih nadingun tu-a bangin kam a hong pau ka hi hi,”

Tedim Bible

⁴² Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 11:42 Referans Kwoze

Johan 3:17

Pasian in leitungah a Tapa hong sawlna pen mawhsakna thukhen dingin a hong paisak hi loin, leitung mite a hon khia dingin a hong paisak hizaw hi.

Johan 17:21

Pa aw, amaute khempeuh pum khat a suah theih nadingun ka hong ngetsak hi. Nangmah in kei na hong sawlna thu leitung mite in a up theih nadingun ei tegel pawl khat ihih mah bangin amaute zong eite tawh pawl khat hong hi tahen.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

Hebru 7:25

Tua hi a, mite adingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a hon khia thei ahi hi.

Hebru 5:7

Leitungah mihingin Jesu a om lai-in sihna panin amah a hon khia thei ding Pasian tungah thu ngenin khitui naptui tawh thumin na kiko hi.

ROM (Romans) 8:3

Mihingte thahat lo ihih manin Thukham in ahih zawh loh thute Pasian in a hih zo hi. Mawhna a beisak theih nadingin mihingte sunga om mawhna tungah thu a khenna-in ama Tapa hong sawl a, amah pen mihingteʼ mawhna lungsim mah a nei-in a hong pai hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 17:25

A Thuman ka Pa aw, leitung mite in nang hong thei lo uh hi. Ahi zongin keimah in nang ka hong thei a, kei na hong sawlna thu hih mite in zong a thei uh hi.

Johan 17:8

Bang hang hiam cih leh gen dingin na hong sawl thu khempeuh amaute kiangah ka gen ciangin um uh a, nangma kiang panin a pai ka hihna thu hong thei uh a, nangma hong sawl ka hihna thu zong hong um uh hi.

Johan 11:22

Tu nangawnin na nget peuhpeuh Pasian in hong piak ding ka thei hi,” a ci hi.

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puak pah theih ding lamtak thei lo na hi hiam?

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Johan 11:31

Amah hehnemin inn ah a ompih mite in Mary dingin a pai khiatna a muh uh ciangin, hanah a kap dingin a pai ding hi, ci-in ngaihsun uh ahih manin a zui uh hi.

Johan 8:42

Jesu in, “Kei pen Pasian kiang panin hong pai-in hih lai ah hong om ka hih manin, Pasian pen na pa taktak uh hileh kei na hong it ding uh hi. Keima thu-in a hong pai tawm ka hi kei a, ama hong sawl ka hi hi.

Johan 8:29

Kei a hong sawl paʼ lungkimna bang bekin gamta tawntung ka hih manin amah in kei guak hong nusia loin, hong ompih tawntung hi,” a ci hi.

Johan 8:16

Mi mawhsakin thu a khen hi ta mah leng zong, a thukhen pen kei bek hi loin kei a hong sawl Pa Pasian le keimah in a khen khawm ka hih manun ka thukhennate a man taktak ahi hi.

Johan 11:43

a cih khit ciangin nakpi takin kiko-in, “Lazaras aw, hong pusuak in,” a ci hi.

Johan 12:17

Jesu in han sung panin Lazaras samin, sihna panin a thawhsakkik a mu mihonte in tua thu mah gen belin a nei uh hi.