Johan 11:35 - Tedim Bible Revision 2017

³⁵ Tua ciangin Jesu zong a kap hi.

Tedim Bible

³⁵ Zeisu a kap hi.

Johan 11:35 Referans Kwoze

Luka 19:41

Jerusalem khua hong nai semsem a, a khuapi a muh ciangin Jesu in tamlawh a,

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Johan 11:33

Jesu in Mary le amah hong zui Jew mite a kahna a muh ciangin a lungsim nakpi takin su kha-in lunggim mahmah ahih manin,

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Late 119:136

Mite in nangma thu zui lo uh ahih manin ka khitui hawk luanin a luang hi.

JOB (Job) 30:25

A lungkham mite tawh kei kap khawmin, a cimawh mite dahpih hi lo ka hi hiam?

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Piancilna 43:30

Tua ciangin a lungsimah a sanggampa ngai lua ahih manin Josef manlangin paikhia a, a kah nading mun a zong hi. Amah a inn dei sungah pai-in tua lai ah va kap sim hi.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Luka 19:11

Jesu pen Jerusalem khua a tung dektak hi a, Pasianʼ Ukna hun hong tung kuan ta ding hi, ci-in mite in zong ngaihsun uh ahih manin, mite in ama thugen a na ngaih laitakun Jesu in amaute kiangah thu gentehna khat gen thuah lai a,

Johan 11:34

“Koi ah vui na hi uh hiam?” a ci hi. Amaute in, “Topa aw, hong pai inla hong en in,” a ci uh hi.