Johan 11:24 - Tedim Bible Revision 2017

²⁴ Martha in, “Nitawp ni-a thawhkik ni ciangin hong thawhkik ding ka thei hi,” a ci hi.

Tedim Bible

²⁴ Martha in, “Ni tawp Ni-a thawhkikna-ah a thokik ding cih ka thei hi,” a ci hi.

Johan 11:24 Referans Kwoze

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Isaiah 26:19

Nangma mi a si sate hingkik ding uh a, amauʼ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi a a si sa mite Topa in hingkiksak ding hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Hosea 13:14

Misi khua pan ka tan khia diam, sihna khut pan ka hon khia diam? Sihna aw, na gu koi ah om hiam. Misi khua aw, na suksiatna koi ah om hiam.

Hosea 6:2

Ni nih sungin eite hong thahatsak dinga, ni thum sungin i ngei hong bangsak ding hi. Tua ciangin amah tawh i kikhawl ding hi.

Late 17:15

Kei ka hih leh, thumanna tawh na maitang ka en dinga, ka khanlawh ciangin nangma mel muhna tawh ka lungkim ding hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Hebru 11:35

Numeite in a sihsuah mite uh, thawhkikna tawh a ngahna uh zong a upna uh hang mah ahi hi. Mi pawl khatte in a hoih zaw nuntakna ah a thawhkik theih nadingun leitungah suahtak ding ut tuan loin bawlsiatna thuakin a si uh hi.

Johan 6:39

Kei hong sawl paʼ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 11:23

Jesu in, “Na u hong thokik ding hi,” a cih leh