Johan 10:6 - Tedim Bible Revision 2017

⁶ Jesu in hih thu gentehna tawh thu a gen hangin amaute in Jesuʼ gen nop thu a theithei tuan kei uh hi.

Tedim Bible

⁶ Tua thugentehna Zeisu in a hilh hangin, amaute in a khiatna a thei kei uh hi.

Johan 10:6 Referans Kwoze

Isaiah 56:11

Uite in nakpi takin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amauʼ phattuam nading bek a zong ciat uh hi.

Paunak 28:5

Mi siahuaite in thutang cih mel thei lo uh a, Topa a biate in ahihleh a kicingin a thei uh hi.

Late 82:5

Amaute in thutheihna ahi a, thutelna ahi zongin bangmah nei lo uh a, khuamial sungah gamta uh ahih manin leitung bulpite khempeuh a kiliing gawp hi.

Johan 16:25

“Tu hun ciang dong hih thute thu gentehna zangin kong gen hi. Ahi zongin thu gentehna ka hong zat nawn loh hun hong tung dinga, tua hun ciangin a teltakin Pa Pasianʼ thu kong gen ding hi.

Mattiu 13:51

“Hih ka thugente khempeuh a khiatna na thei uh hiam?” ci-in Jesu in a dot ciangin amaute in, “Ka thei uh hi,” ci-in a dawng uh hi.

Daniel 12:10

Mi tampite kisiansuahin a hoih le a hoih lo a kikhentel ding uh hi. Migilote in bangmah thei tel thei lo uh ahih manin a gilo semsem ding uh hi. Ahih hangin mipilte in theih tel theihna a nei ding uh hi.

Late 106:7

Ka pu ka pate un Egypt gamah a om lai-un nangma nasepna a lamdangte ngaihsun lo uh hi. Na itna kip a tampite phawk lo uh a, San Tuipi ah Sangpen pa hong lehdo uh hi.

1 JOHAN MASA 5:20

Pasianʼ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesu Khris tawh i kipawlna hangin Pasian taktak mah tawh a kipawl thei ihi hi. Tua Jesu pen Pasian taktak mah hi a, nuntak tawntungna a pia thei ahi hi.

1 KORIN MASA 2:14

Ahi zongin Kha Siangtho a nei lo mite in Pasianʼ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau adingin a haihuai thu khat ahi lel hi.

Johan 8:43

Bang hangin ka thugente theithei lo na hi uh hiam? Ka thugente na ngaih nop loh man uh ahi hi.

Johan 8:27

Jesu in Pa Pasianʼ thu a gengen ahih lamtak amaute in thei lo uh hi.

Johan 7:36

‘Kei nong zon uh hangin nong mu zo kei ding uh hi,’ a cihna leh ‘Keima omna munah nong pai thei kei ding uh hi,’ a cih ciangin bang a cihnopna hi ding ahi hiam?” ci-in a kikum uh hi.

Johan 6:60

A nungzuite nangawn un hih thu a zak ciangun, “Hih thugen haksa lua hi. Kua in zui zo ding ahi hiam?” a ci uh hi.

Johan 6:52

Hih bangin a thugenna hangin mihonpite khatlekhat kitawng uh a, “Bangci-in hih mipa in nek dingin ama sa hong pia thei ding ahi hiam?” a kici uh hi.

Mattiu 13:34

Jesu in hih thute khempeuh, thu gentehna vive zangin thu hilh a, thu gentehna zang loin thu khat beek a gen kei hi.

Marka 4:34

Thu gentehna lo tawh thu hilh ngei lo hi. A nungzuite guak tawh a om khawm ciangin a thu khempeuh a gen tel zel hi.

Johan 16:29

Tua ciangin a nungzuite in, “Tu-in thu gentehna zang nawn loin a kitel takin thu na hong gen hi.

2 PETER NIHNA 2:22

Paunak ah, “Ui in a luak nekik hi,” a cihna le, “Vok a kisilsiang khit ciangin buannawng lak mahah bualkik veve hi,” a kicihna thu, amaute tungah a piang ahi hi.