Johan 10:5 - Tedim Bible Revision 2017

⁵ Tuute in midangteʼ nung zui lo uh hi; midangteʼ aw theithei lo uh ahih manin lau-in taisan zaw uh hi,” a ci hi.

Tedim Bible

⁵ Ahih hangin midang nung a zui kei ding uh a; a kiang pan a taikhia ding uh hi. Bang hang hiam na cih uh leh, midangte’ aw a thei kei uh hi,” ci-in Zeisu in a hilh hi.

Johan 10:5 Referans Kwoze

Mangmuhna 2:2

“Noteʼ nasepna, na gimna uh le lungduai takin na thuakna uh le migilote koih mawk loin, sawltak hi lo napi-in sawltak hi ung, a ci mite dong telin sawltak ahih lohna uh na muh khiatnate uh ka thei hi.

Marka 4:24

Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia dinga, a tam zaw-in hong pia thuah ding hi.

Paunak 19:27

Thuhilhna a mang nuam lo tapa pen pilna a thei kha lo ding tapa ahi hi.

1 JOHAN MASA 2:21

Tua ahih manin note kiangah lai ka hong gelhna pen note in a man na theih lohna hang uh hi loin, note in a man thei-in, zuau thu pen thuman panin hong piang ngei lo hi, ci-in zong na theihna uh hangin a hong gelh ka hizaw hi.

1 KUMPI MASATE 22:7

Ahih hangin Jehoshafat in, “Thu i dot theih ding Topaʼ kamsang a dang khat beek om nawn lo ahi hiam?” a ci hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

2 TIMOTI NIHNA 4:3

Mite in thuman a ngaih nop loh hun, amauteʼ deihna bek a zuih nop hun, amauteʼ zaknop thute bek a gen ding sia a cial thuahthuah hun hong tung ding hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a nei sa mipa tungah Pasian in pia thuah dinga, a nei lo mipa tung panin them khat nei-a a kingaihsut nangawn lakkhiatsak ding hi,” a ci hi.

Johan 10:4

A tuute khempeuh a pusuahkhiat khit ciangin tuate mai ah a cing pa pai a, a cing paʼ aw thei uh ahih manin tuute in amah a zui uh hi.

Johan 10:16

Hih tuukulh sungah a om lo tuu dang ka nei lai hi. Tuate zong tuukulh sungah ka khum dinga, amaute in keima thu ngai-in, keima khut sungah ka tuu om sate tawh hon khat suak khawm ding uh hi.