Johan 10:2 - Tedim Bible Revision 2017

² Ahi zongin tuukulh kong tawnin a lut mipa ahihleh a tuute a cing pa ahi hi.

Tedim Bible

² Kongpi pan a lut mi in tuucing ahi hi.

Johan 10:2 Referans Kwoze

Johan 10:14

Kei, tuucing hoih ka hi hi. Pa in kei hong thei-in, kei zong Pa ka theih mah bangin keimah in ka tuute ka thei a, ka tuute in zong kei hong thei uh hi. Tua ahih manin ka tuute ka sihpih ngam hi.

Sawltak 20:28

Kha Siangtho in noteʼ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

Late 23:1

Topa pen tuucin bangin hong cing hi a, kisapna teng kicing ta hi.

Isaiah 40:11

Amah in tuucingpa bangin ama tuuhonte an vak dinga, ama tuuhonte kaikhawmin a ang sungah pua dinga, no ngek lai a neite dam takin a paipih ding hi.

Thuhilh-sia 12:11

Mipilteʼ thugente pen tuucingte in tuu hawlna-in a zat ciangkhut hiam tawh kibang hi. Tua thute pen eite khempeuh tuucin bangin a hong Cing Pasianʼ piak ahi hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

1 TIMOTI MASA 4:14

Kamsangteʼ thugennate le upate in na tungah a khut uh nga-in thu hong ngetsakna ahi nangma hih theih siamnate na valkhongsak kei in.

Johan 10:9

Kei, kongpi ka hi hi. Keimah tawnin a pai tuu khempeuh in lauhuaina tuak kha loin, a ututun sung tumin pusuakin lo nona mun a mu ding uh hi.

Johan 10:7

Tua ahih manin Jesu in amaute kiangah thu genkik leuleu a, “A mantakin ci lehang, kei pen tuuteʼ paina kongpi ka hi hi.

Zekhariah 11:8

Kha khat sungin tuucing a dang thumte ka not khia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuu sa zuak uh a, ‘Topa in thupha ngah tahen. Tu-in i hau ta hi,’ ci uh hi. A tuucingte mahmah in a tuute uh hehpihna nei lo uh hi.

Zekhariah 11:3

Tuucingte a minthanna uh bei khinta ahih manin dahin a kap uh hi. A tuulak inn uh kisusia khin ahih manin humpi-nelkaiteʼ hawkna za un.

Ezekiel 34:23

Amaute a cing dingin ka nasem pa David ka koih dinga, amah in amaute hoihtakin an vakin a kem ding hi.

Late 80:1

Tuu hon bangin Josef a paipih, Israel Tuucingpa aw, ngai in! Kherub tungah a tupa aw,

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihteʼ vantung mite a cihna hi a, meivakna sagihte pen pawlpi sagihte a cihna ahi hi.

1 PETER MASA 2:25

Note, tuu bangin a gammang na hi uh a, ahi zongin noteʼ kha nuntakna hong Cingin hong Kem pa a zui dingin a hong kiciahpihkik khin na hi uh hi.

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gen sa thute hoihtakin na phawk in:

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Micah 5:5

Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hat pen teng i sawl ding hi.

Isaiah 63:11

Tua ciangin amaute in hun lui lai, ama nasem Mosesʼ hun a phawk uh hi. Ama mi a makaite hon khia-in, tuipi sung panin a paikhiatpih Topa koi ah om ta ahi hiam? Amauteʼ tungah ama kha a pia pa,

Mattiu 15:11

Kam sungah a tum suk nate in mi ninsak lo a, kam sung panin a pusuak nate in mi a ninsak hizaw hi,” a ci hi.