Johan 1:31 - Tedim Bible Revision 2017

³¹ Amah a bangci mi hi ding cih thei lo napi-in, Israel mite in amah a theih nadingun tui sungah mite a phum dingin a hong pai ka hi hi,” a ci hi.

Tedim Bible

³¹ Kei in tua pa ka thei hi. Ahih hangin amah in Israel mite kiangah a kilat nadingin, keimah in tui sungah baptaiz-in hong pai ka hi hi,” ci-in a gen hi.

Johan 1:31 Referans Kwoze

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Luka 1:17

Amah pen kamsang Elijah mah bangin thahatna le vangliatna tawh Pasian mai ah hong mapai ding hi. Pate le tate kilemsakkikin, mihoihteʼ lungsim bang a neih nadingun thumang lo miteʼ lungsim heisak dinga, Topa adingin a kilawm dingin mite a bawl khol ding hi,” a ci hi.

Johan 1:33

Keimah in amah ka theih nai loh hangin, tui sungah mite a phum dingin kei a hong sawl Pasian in, ‘A tungah Kha hong pai sukin a omna mipa pen Kha Siangtho sungah mite a phum ding pa ahi hi,’ ci-in hong gen khol hi.

Johan 1:7

mi khempeuh in ama thugenna za-in tua khuavak a up theih nadingun tua khuavak thu a gen dingin a hong pai ahi hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.

Mattiu 3:13

Tua laitakin Galilee gam panin Jesu hong pai a, Johanʼ khut sungah a kituiphum dingin ama omna Jordan Gun ah a hong tung hi.

Johan 1:30

Keima nungah mi khat hong pai dinga, keima suah ma-in amah om khin ahih manin kei sangin amah lian zaw hi, ci-in ka gen pa ahi hi.

Johan 1:32

Johan in hih mipa thu teci na pang a, “Vantung panin vakhu bangin Kha hong pai sukin ama tungah a om ka mu hi.