Johan 1:17 - Tedim Bible Revision 2017

¹⁷ Pasian in Moses tungtawnin Thukham hong pia a, ahi zongin Jesu Khris hangin itna le cihtakna thu hong pai hi.

Tedim Bible

¹⁷ Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Johan 1:17 Referans Kwoze

ROM (Romans) 6:14

Note pen thukhamʼ sawlna hangin nasem hi loin Pasianʼ hong lah thuhoihteʼ hangin nasem na hih uh manin mawhnaʼ sawlna mangin na gamta nawn kei un.

Johan 14:6

Jesu in ama kiangah, “Keimah in Lampi ka hi a, Thuman le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

Hebru 9:22

Thukham kizatna sungah na khempeuh sisan tawh kisiansuah a, sisan a kiluansak khit ciang bekin mawhna kimaisak thei pan hi.

Johan 8:32

Tua ciangin thuman na thei ding uh a, tua thuman in note hong suaktasak ding hi,” a cih leh

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Galati 3:17

Tu-in ka hong gen nop thu in: Pasian in Abraham tawh thuciamna bawl a, tua a thuciamna peksat sawm lo hi. Tua ahih manin tua thuciamna a kibawl zawh kum za li le kum sawm thum khit ciangin a kinung piak Thukham in tua thuciamna pek satin phiat thei lo ding hi.

Thu-hilhkikna 5:1

Moses in Israel-te khempeuh samin amaute kiangah, “Israel-te aw, tu ni-a noteʼ zakin kong gen thukhamte le ngeina kipte ngai unla, note in thei-in limtakin zuih ding na ngaihsun ding uh hi.

Sawltak 7:38

Amah pen Israel mite tawh gamlak ah a om pa hi a, Sinai Mual tunga ama kiangah thu a gen vantungmi le i pute tawh a kikhawl pa ahi hi. Eite tungah hong gen sawn dingin Pasian kiang panin a tul ngei lo thu a ngah ahi hi.

Johan 5:45

Hih bangin kong gen ciangin ka Pa kiangah note a hong mawhsak ding pa hi, ci-in hong ngaihsun kei unla, note in suan belin na neih uh Moses pen a hong mawhsak ding pa ahih zawkna thu thei ta un.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

2 KORIN NIHNA 1:20

Pasianʼ thuciamte khempeuh a hih pa pen amah ahi hi. Tua ahih manin Jesu Khris hangin Pasian phatin, “Amen,” i cihna zong hih thu hang mah ahi hi.

Johan 9:29

Pasian in Moses a hopihna thu ka thei uh a, hih mipa ahihleh koi lai panin hong piang ahi hiam cih nangawn ka thei kei uh hi,” a ci uh hi.

Micah 7:20

Ka pu ka pate uh tungah na ciam sa bangin, Abrahamʼ suanlekhakte ahi nangma mite tungah na cihtakna le nong itna kip nong lak ding hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Late 85:10

Itna kip le thutak kigawm dinga, thuman le kilemna kihual ding uh hi.

Thu-hilhkikna 33:4

Jakob mihonteʼ neih dingin Moses in kote tungah ngeina khat hong pia hi.

Thu-hilhkikna 4:44

Moses in Israel mite tungah thu pia hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin