Joel 3:9 - Tedim Bible Revision 2017

⁹ “Minam dangte tungah hih bangin thu zaksakna bawl in: Galhang mite sam unla, galdo dingin kithawi un. Galkap khempeuh kaikhawmin hong kuan un!

Tedim Bible

⁹ Minamte tungah hih bangin thuzaksakna bawl in: Gal hang mite sam un la, gal do dingin kithawi un la, galkap khempeuh khawmin hong kuan un!

Joel 3:9 Referans Kwoze

Ezekiel 38:7

Tua ahih manin tu-in nang le na pawlte khempeuh a kigalging sa-in om unla, na thupiakna bangin a gamtang pah lian dingin na galkapte khempeuh omsak in.

Jeremiah 31:10

“Aw, gamdangte aw, Topaʼ kammal ngai unla, gamlapi, tuipi gei-a omte kiangah va gen sawn un. ‘Israel mite a kithehthang sakpa in kaikhawmkik dinga, tuucingpa in a tuute a kep bangin a kem ding hi,’ va ci un.

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Isaiah 34:1

Minam khempeuhte aw, thu za dingin hong pai un. Mihingte aw, hong ngai un! Leitang le a tungah a om khempeuhte aw, ngai un. Leitung buppi le a tung panin a hong pai mi khempeuh in ngai un.

Late 96:10

Minam khempeuh lakah thu gen kawikawi unla, “Topa in uk hi. Leitung kikipsak a, kiliing ngei lo ding hi. Amah in mihingteʼ thu a manin khen ding hi,” ci un.

Jeremiah 6:4

Amaute in, “Jerusalem khua a sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak ta a, i liimte sau keei ta hi.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topaʼ thukkikna ahi hi.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni le Ashkenaz gamte simsak un. Makai khat teel unla, kauphe honpi zahin a tam sakolte va la un.

Ezekiel 38:17

Ni khat ni ciangin Israel mite a sim dingin mi khat ka sawl ding hi, ci-in keima nasem Israel kamsangte tungtawnin, sawt pek lai-in ka gengen niloh mipa pen nang na hi hi. Hih thu Topa Pasian in gen khinzo hi.

Haggai 2:7

Minam dang khempeuh lok gawp ding ka hih manin a neihsa uh sum le paite, hih munah hong kipuak dinga, biakinn sungah a dimin van hong om ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiat pih dinga, a dangte ahihleh kipaikhiat pih lo ding hi.

Zekhariah 14:3

Tua ciangin Topa hong kuan khia dinga, a beisa hunah a sim ngei bangin hih minam dangte hong sim ding hi.