Joel 2:3 - Tedim Bible Revision 2017

³ A madawkte, a hal tum thei meikuang bang a, a nungdalte, mei-am alh tawh kibang hi. Amau hong tun ma-in gam sungteng khempeuh Eden huan a bang hi a, amauʼ khit ciangin a kinusiacip keugaw gam tawh kibang hi. Amaute kiang pan a suakta bangmah om lo hi.

Tedim Bible

³ A madawkte in a haltum thei meikuang bang a, a nungdalte in mei-am alh tawh kibang hi. Amau’ hong tun’ ma-in gam sung teng Eden huan bang hi a, amau’ khit ciangin a kinusia a keugawp gam tawh kibang hi. Amaute kiang pan a suakta bangmah om lo hi.

Joel 2:3 Referans Kwoze

Isaiah 51:3

“Tu-in Zion ka hehnem ding hi. A kisia ama munte khempeuh puahpha-in, ama gamlakte Eden huan sung ka bangsak dinga, ama sehnel gamte Topa’ huan ka bangsak ding hi. Ama sungah lungdamna le kipahna, lungdamkohna le lasakna awging om ding hi.

Piancilna 2:8

Topa Pasian in nisuahna lam, Eden ah huan khat bawl hi. Tua lai munah ama bawl sa mipa koih hi.

Zekhariah 7:14

Tua ahih manin Topa in, “Huihpiʼ mutkhiat bangin amaute thehthang gawpin, a theih ngei nai lohna uh gam dangah amaute teeng ding uh hi. Amauʼ nusiat leitang hoih zong gamkhing suak dinga, a tungah kuamah om nawn loin daicip ding hi,” a ci hi.

Paikhiatna 10:15

Bang hang hiam cih leh tuate in lei maitang khempeuh tuam uh a, leitang mial hi. Tuate in leitang tunga kung khempeuh le gialpiʼ den baang singkung gah khempeuh ne uh hi. Egypt leitang tung khempeuh ah gamlak singkung hitaleh kungno hitaleh a hing khat beek om nawn lo hi.

Paikhiatna 10:5

kuamah in leitang a muh theih loh nadingin tuate in lei maitang khempeuh tuam ding uh hi. Gialpi khit cianga nang aʼ dinga a om lai sunte amaute in ne ding uh hi. Tuate in gamlak a a po nangma singkung khempeuh ne ding uh a,

Amos 7:4

Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keu tumsakin leitung zong a hal tum dingin a hong kipan hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuu hon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Late 50:3

Eiteʼ Pasian hong pai a, amah dai om mawk lo hi. Ama mai ah mei husia om a, a kimkot ah huihpi om hi.

Piancilna 13:10

Lot zong khuadak a, Jordan gunkuam mun khempeuh in limtakin tui ngahin Topaʼ huan hitaleh, Zoar lam a Egypt gam tawh hitaleh kibang hi, ci-in mu hi. Hih pen Topa in Sodom le Gomorrah a suksiat hun ma ahi hi.

Late 97:3

Ama mai ah mei pai a, ama kiim a om a galte a kaang tum hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Isaiah 9:19

Vanglian Topa’ hehna hangin meikuang bangin gam sung kaang a, mite pen mei a kicih sing tawh kibang uh hi. Kuamah in a sanggampa nangawn zah tuan lo hi.

Isaiah 14:17

leitung pen sehnel gam suaksakin, khuapite a susia pa, thong sungah a kikhum mite inn ah a ciahsak lopa hih pa hi lo ahi hiam?’ hong ci ding uh hi.

Isaiah 15:6

Nimrim luite kang hi. Lopa keu-in a sel thak om lo a, lopa hing om nawn lo hi.

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna le a kisusia, a kiluh gawp, a kinusiacip khuapite pen tu-in a muanhuai kulh tawh ki-umin a sungah mi a teenna thu mi khempeuh in gen belin nei ding uh hi.

Isaiah 33:4

Tangngol in na a khop bangin amau van kinusiate kaikhawm a, kauphe honpi bangin van tawmin mite phe zaizai hi.

Habakkuk 1:6

A omkhong thei lo, a kihtakhuai Khaldea mite, a vang ka liansak dinga, leitung khempeuh ah amaute pai-in gam khempeuh a zo mang khin ding uh hi.