Joel 2:28 - Tedim Bible Revision 2017

²⁸ “Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

Tedim Bible

²⁸ “Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Joel 2:28 Referans Kwoze

Ezekiel 39:29

Israel mite tungah ka kha ka sung dinga, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Sawltak 2:39

Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

Isaiah 32:15

Ahi zongin Pasian in ama kha hong puak ding hi. Leitang siate leihoih suakkik dinga, lo-a ante hoih mahmah in tulak bang ding hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Zekhariah 12:10

“Davidʼ suanlekhakte le Jerusalem khua miteʼ tungah hehpihna lungsim le thungetna lungsim ka guan ding hi. Amaute in a sut lup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpi takin kapin thum ding uh hi.

Paunak 1:23

Kong thuhilhna hong ngai un; ka ngaihsutna kong gen dinga, ka theihna kong zasak ding hi.

Johan 7:39

Jesu in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasianʼ pianzia nei-in sihna panin Jesu kithokiksak nai lo ahih manin Kha Siangtho kipia khia nai lo hi.

Sawltak 2:33

Amah in Pasianʼ tak lamah omna dongin liatna ngah a, ama tungah Pasian in a ciam sa Kha Siangtho zong a ngah khin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Luka 3:6

Mi khempeuh in Pasianʼ hotkhiatna ngah ding uh hi,’” ci-in a kigelh hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Gamlak-vakna 12:6

Topa in, “Ka thu za un: Noteʼ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Sawltak 21:9

Amah in Pasian thu a hilh ta nungak li nei hi.

Jeremiah 23:28

Kamsang pa in mang a mat leh a mang bek mah gen henla, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Luka 1:67

Tua ciangin Johanʼ pa Zekhariah, Kha Siangtho tawh kidimin Pasianʼ thu gen a,

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.

Gamlak-vakna 11:17

Keimah hong pai sukin tua munah nang tawh i kiho dinga, keimah in nangʼ sunga om kha pawl khat la-in amauteʼ sungah ka guang ding hi. Nang guak in na puak loh nadingin amaute in miteʼ tavuan hong puak pih ding uh hi.

1 SAMUEL MASA 19:20

Tua ciangin David a man dingin Saul in mi sawl hi. Amaute in kamsang honte laamin awngin omin, amaute a makai-in Samuel a ding a muh uh ciangin, Saulʼ sawltakte tungah Pasianʼ kha hong tunga, amaute zong laamin a awng uh hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.

Isaiah 49:26

Nang hong nengniam mite pen amauʼ satak mah ka nesak dinga, zukham bangin amauʼ si mah a kham ding uh hi. Tua ciangin kei pen Jakobʼ Vanglian Pa, nang hong Tan khia pa, nang hong Hon Topa ka hihna mi khempeuh in hong thei ding uh hi,” a ci hi.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuautheiteʼ thuhilhnate zong ka za khinzo hi.

Ezekiel 36:27

Note sungah keima kha kong guang dinga, note tungah kong piak ka thukhamte le ka thupiakte limtakin kong zuisak ding hi.

Ezekiel 37:14

Note sungah keima nuntakna hu kong guan dinga, note hong hingkiksakin, na gam uh ah kong teengsakkik ding hi. Tua ciangin Topa ka hihna thu nong thei ding uh hi. Hih bangin kong hih nading thu ka kiciam zo a, ka kiciam bangin kong hih ding hi. Topa ahi keimah in hih thu ka gen khinzo hi, ci-in gen in,” hong ci hi.

Daniel 7:1

Belshazzar, Babylon kumpi a suah zawh a kum masa kumin keimah Daniel in mang khat ka man a, zanin maang ka mu hi. Ka mangmat lai-in ka gelh a, tua zan a ka maangmuhnate ka ciaptehna hih bang ahi hi:

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute zong laamin awng leuleu uh hi. Tua ciangin Saul in mi a thum veina sawl a, amaute zong tua bangmah hi veve uh hi.