Joel 2:24 - Tedim Bible Revision 2017

²⁴ Na ancilna phual uh an tawh kidim dinga, na koihna uh umlebeel khempeuh leenggahzu le sathau tawh kidim ding hi.

Tedim Bible

²⁴ Na ancilna phual uh an tawh kidim ding a, na koihna uh um-le-beel khempeuh, leenggahzu leh sathau tawh kidim ding hi.

Joel 2:24 Referans Kwoze

Malakhi 3:10

Ka biakinn ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.

Amos 9:13

Topa in hih bangin ci hi: An a kihauh luat manin, an lak a kizawh ma-in lo khawhkik hun tungin, leenggahte, leenggahzu a bawl a kizawh ma-in a suankik hun hong tun ding, hun nuam hong tung ta ding hi. Mual lian khempeuh panin leenggahzu khum hong taak khia-in, mual neu khempeuh tungah leenggahzu a luang ding hi.

Joel 3:18

Tua hun ciangin mual tung khempeuh leenggui lo hi dinga, mual neute khempeuh tungah bawng hon dim dinga, Judah gam sung khempeuh ah tui tampi om ding hi. Topaʼ biakinn panin luitui khat hong luang khia dinga, Shitthim kuam sung khempeuh a kawtsak ding hi.

Joel 3:13

Amaute gilo mahmah uh ahih manin an lak huna buhsi bangin at gawp unla, leenggahtui dawhna a dimletin a luang, leenggah cilna kuang sunga om leenggah bangin tuancil gawp un,” a ci hi.

Siampi Laibu 26:10

Note in sau veipi a kikhol anluite ne-in, a thak koih nadingin a lui na hahsiang masa ding uh hi.

Siampi Laibu 25:19

Leitang in an hong piangsak dinga, note in na kham takun ne-in, lungmuang takin na teeng ding uh hi.

Ezekiel 36:8

Ahi zongin Israel mual tung gamte ah no ka mi Israel-te adingin singkungte in teh le gah hong neikik ding uh a, a sawt loin note, inn ah a hong ciahkik ding na hi uh hi.