Joel 2:19 - Tedim Bible Revision 2017

¹⁹ Topa in ama miteʼ thungetna dawng a, “Tu-in note tungah an, leenggahzu le sathau kong pia a, na kham takun na ne ding uh hi. Minam dangteʼ simmawhin na om nawn kei ding uh hi.

Tedim Bible

¹⁹ Topa in ama mite’ thungetna dawng a, “Tu-in note tungah an, leenggahzu leh sathau, ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.

Joel 2:19 Referans Kwoze

Ezekiel 34:29

Amaute tungah logam hoih pia ding ka hih manin gam sungah gilkial dangtak om nawn lo ding hi. Minam dangte in amaute simmawh bawl nawn lo ding uh hi.

Ezekiel 36:15

Minam dangteʼ hong ko bawlna za nawn loin, a hong mindaisakna uh na thuak nawn kei ding uh a, na sung uh ah a teeng miteʼ tate zong no Israel mual tung gamte in na laksak nawn kei ding uh hi. Topa Pasian in hih thu ka gen khin hi,” hong ci hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Joel 2:24

Na ancilna phual uh an tawh kidim dinga, na koihna uh umlebeel khempeuh leenggahzu le sathau tawh kidim ding hi.

Jeremiah 31:12

Amaute hong pai-in Zion mual tungah ngaih takin la sa ding uh a, Topaʼ hehpihna ahi, buh, leenggahzu, sathau le tuuno, bawngnoteʼ hangin amaute a lungdam mahmah ding uh hi. A nuntakna uh, tui a kibuak huan bang dinga, lungkham nawn lo ding uh hi.

Joel 1:10

Lo ante kisusia a, leengguite keutum hi. Oliv kungte keugaw a, lo lai ah bangmah om nawn lo ahih manin leitang lungzuangin a thum hi.

Hosea 2:15

Tua lai panin a leenggui lote ka piakik dinga, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungak no hun lai mah bangin ka thugennate hong ngai ding hi.

Ezekiel 39:29

Israel mite tungah ka kha ka sung dinga, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Siampi Laibu 26:5

Na cil uh ante leenggah lawh hun dong kimang dinga, leenggah minte zong lo pawi hun dong kimang ding hi. Note in na kham takun an na ne ding uh a, lungnuam takin na gam sung uh ah na teeng ding uh hi.

Hosea 2:21

Tua ni ciangin keima mi Jezreel-teʼ thungetna ka pia dinga, leitungah guah ka zusak ding hi.

Hosea 2:22

Leitung in an, leenggahzu le sathaute piangsak ding hi.

Thu-hilhkikna 11:14

na an uh le na leenggahzu uh le na sathau uh na kaihkhop theih nadingun amah in guah masa le guah nunung, a hunin na leitang uh adingin hong zusak ding hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi. Bang hang hiam cih leh Topa in a mite kemin an a piakna thu Moab gam sung panin amah in za hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak dinga, gilkial na thuak kha nawn kei ding uh hi.

Ezekiel 36:30

Na singgah kungte uh le na lo lai ante uh tampi tak ka phasak dinga, minam dangte lakah gilkial a mindaina na thuak kha nawn kei ding uh hi.

Zekhariah 8:12

Lungnuam takin lokho singpua-in nuam a sa ding uh hi. Leengguite gah pha dinga, guah tampi zu-in lo ah an tampi piang dinga, a suakta lai ka minamte tungah hih bang thupha khempeuh ka tungsak ding hi.