Joel 2:17 - Tedim Bible Revision 2017

¹⁷ Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Tedim Bible

¹⁷ Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Joel 2:17 Referans Kwoze

Ezekiel 8:16

Tua ciangin biakinn tual sung nungah hong paipih hi. Tua lai ah biakinn kongkhak gei, biakna taute le innliim kikal sanah mihing sawm nih le nga khawng na om a, biakna tau nungngatin nisuahna lam nga-in nisuak tung na bia uh hi.

Late 115:2

Bang hangin minam dangte in, “Amauteʼ Pasian koi ah om ahi hiam?” ci laizang ding ahi uh hiam?

Late 79:10

“Amauteʼ Pasian koi ah om ahi hiam?” minam dangte in a cih ding kilawm ding ahi hiam? Na nasemteʼ sisan luang khia a phulakna pen, minam dangteʼ lak, komauʼ muhna ah kitheisak in.

Mattiu 23:35

Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Amos 7:2

Kauphe in gam sung lopate a gaih khit ciangin, keimah in Topa tungah ka thum a, “Topa Pasian aw, na mihingteʼ mawhna maisak in. Amaute minam tawm hi a, zawngkhal uh ahih manin bangci-in thuak zo ding ahi uh hiam?” ka ci hi.

Joel 1:9

Topaʼ biakinn ah biakna-in piak ding an le leenggahzu om nawn lo a, Topaʼ na a sem siampite thumin a tau uh hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

1 KUMPI MASATE 6:3

Biakinn mai ah a innliim pen biakinn zaina zahin pi sawm thum sau a, inn mai lamah pi sawm le nga sang hi.

Paikhiatna 34:9

Amah in, “Tu-in na muhna ah maipha ka muh leh, Topa aw, kong thum hi; lungkhauh mite ka hi ta uh zongin koteʼ kiangah Topa hong pai in. Koteʼ mawhna le koteʼ khialhna hong maisak inla, nangma mi dingin kote hong sang in,” a ci hi.

Micah 7:10

Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.

Amos 7:5

Tua ciangin Topa Pasian kiangah ka thum a, “Topa aw, khawl dih in. Na mite, minam tawm hi a, zawngkhal mahmah uh ahih manin bangci-in thuak zo ding uh ahi hiam?” ka ci hi.

Ezekiel 20:9

Ahi zongin Egypt gam panin no Israel mite kong paikhiatpih ding hi, ci-in amauʼ ompih miteʼ zakin gen khin ka hih manin, tua bangin gim thuaksak leng keima min a daisak suak ding, cih ngaihsutna hangin gim ka pia kei hi.

Isaiah 37:20

Tua ahih ciangin Topa koteʼ Pasian aw, nang bek Topa na hihna thu leitung kumpi gam khempeuh in a theih nadingin, tu-in ama khut sung panin kote hong hon khia in,” a ci hi.

Late 89:41

A pai khempeuh in ama nate sut gawp uh a, amah pen a veengteʼ nuihsat a suak hi.

Late 79:4

Kote pen ka veengte uhʼ zahko, ka kiim uh a omte in a hong ko a hong nuihsat ka suak khinta uh hi.

Late 74:10

Pasian aw, ka galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Late 42:10

Ka langte in kei tungah, “Na Pasian koi ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

2 KHANG TANGTHU NIHNATE 8:12

Tua ciangin Sabbath nite, Khadet nite le kum simin a kinei pawi thum - silngo sawh loh anlum pawi, nipikal pawi le biakbuk pawite adingin Mosesʼ thupiakna tawh kizui-in nisimin piakna nasep ding a kisam ahih mah bangin innliim mai-a a lam Topaʼ biakna tau tungah Solomon in meihal biakna Topa tungah a pia hi.

Thu-hilhkikna 32:27

Amauʼ langte in ngaihsun khialin, amaute in, “Eite i gualzo hi. Topa in hihte khempeuh bawl lo hi,” hong ci kha ding uh ahih manin galteʼ hong phin ding ka lau hi,’ a ci hi.

Mattiu 27:43

Amah in, ‘Kei, Pasianʼ Tapa ka hi hi,’ ci ahih manin, amah in Pasian muanin a nei hi. Pasian in a hot nop leh tu-in hon khia tahen,” a ci uh hi.

Malakhi 1:9

Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomauʼ khialhna ahi hi.

Nehemiah 9:36

Tu-in kote sal ka hi uh hi. Ka pu ka pate un a leitang pan a piangte ne-in a na hoih khempeuhte nuam takin a ngah nadingun na piak gam hih lai munah kote sal ka hi ta uh hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Late 42:3

Mite in keima tungah, “Na Pasian koi ah om ahi hiam?” hong cihcih sungteng, sun le zanin ka khitui an-in ka ne hi.

2 KHANG TANGTHU NIHNATE 7:20

noteʼ tungah kong piak sa leitang panin note kong bot khia ding hi. Tua ciangin ka min dingin ka ap sa hih biakinn ka muhna panin ka lawn khia dinga, mi khempeuh lakah paunak le gentehna ka suaksak ding hi.

1 KUMPI MASATE 9:7

amaute ka piak sa leitang panin Israel mite ka la khia ding hi. Tua ciangin ka min dingin ka ap sa biakinn pen ka muhna panin ka lawn khia dinga, Israel-te pen mi khempeuh lakah paunak le thu gentehna suak ding hi.

Thu-hilhkikna 28:37

Topa in note hong paikhiat pihna mite lakah a cikzethuai, paunak le gentehna na suak ding uh hi.

Gamlak-vakna 25:6

Kikhopna buk kongah amaute kapin a om laitak, Mosesʼ muhna le Israel mihon buppiʼ muhna ah Israel mite khat hong pai-in, Midian numei khat ama innkuanpihte kiangah hong ciahpih hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Joshua 7:9

Bang hang hiam cih leh Kanaan mite le hih gam a teeng mi khempeuh in hih thu za ding uh a, kote hong umcihin leitung panin kote hong phiat khia mang ding uh hi. Tua ciangin a lian mahmah nangma min bang cih ding na hi hiam?” a ci hi.

Late 42:4

Ka lungsim sung ka suah khia a, pawi bawl mihon khat kipakin otna le nuamna la tawh Pasianʼ inn ah ka makaihna, mihonpi tawh ka paina ka phawkkik hi.

Late 42:11

Bang hangin kha kunkun a, lunghimawh niloh ka hi hiam? Pasianʼ sungah lametna nei ning; bang hang hiam cih leh kei a hong huh ka Pasian ka phatkik ngawn ding hi.