Joel 2:16 - Tedim Bible Revision 2017

¹⁶ Mite kaikhawm unla, amaute siansuah un. A khangham mite sam unla, naupangte zong kaikhawm un. Nawi ne lai naungekte zong paipih un. A kiteeng cil nungak le tangvalte nangawn in a omna uh nusia-in hong pai uh hen.

Tedim Bible

¹⁶ Mite kaikhawm un la, amaute sian’ suah un. A khangham mite sam un la, naupangte zong kaikhawm un la, nawine lai naungekte zong paipih un. A kiteng cil nungak leh tangvalte nangawn in, a omna uh nusia-in hong pai uh hen.

Joel 2:16 Referans Kwoze

2 KHANG TANGTHU NIHNATE 29:5

amaute kiangah, “Levi mite aw, ka thugen hong za un! Tu ni-in nomau kisiansuah unla, na pu na pate uh Pasian, Topaʼ biakinn siangthosakin a ninsak thei na khempeuh siangtho mun panin nawn khia un.

2 KHANG TANGTHU NIHNATE 20:13

Tua laitakin Topaʼ mai ah Judah mi khempeuh a taneute, a zite le a naupangte uh tawh a ding uh hi.

1 KORIN MASA 7:5

Thungetna-in hun na zat theih nadingun tawl khat sung tuam om ding thukim khawm masa lopi-in lup khop ding kinial kha kei un. Tua bangin tawl khat sung na tuam om khit uh ciangin noteʼ pumpiʼ deihna hangin Satanʼ ze-etna sungah na puk khak loh nadingun a ngeina bangin lup khop ding kipankik un.

Joel 1:14

An tan ding thu pia unla, a thupi biak kikhopna bawl un. Noteʼ Topa Pasianʼ biakinn sungah makaite le gam mi khempeuh kaikhawm unla, Topaʼ tungah kiko-in thum un.

1 SAMUEL MASA 16:5

Amah in, “Thuhoih hi; Topaʼ tungah biakna a pia dingin kong pai hi. Note ki-ap unla, biakpiakna ah kei tawh hong pai un,” a ci hi. Amah in Jessi le a tapate apin, biakpiakna ah amaute a sam hi.

Paikhiatna 19:22

Amauteʼ tungah Topa heh lua kha ding ahih manin, Topaʼ kiangah hong pai siampite zong amau mah kisiangthosak tawm hen,” a ci hi.

Paikhiatna 19:10

Topa in Moses kiangah, “Mite kiangah pai inla, tu ni le zing ciang sungteng amaute siangthosakin, amauʼ puante amau mah sawpsakin,

Mattiu 9:15

Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Late 19:5

a inn sung pan a hong pusuak zipi tangval tawh ahi zongin, lungtaii takin tai ding a kipan mi thahat khat tawh ahi zongin a kibang hi.

JOB (Job) 1:5

Tua banga a pawi bawl uh gual khat a kikhit ciangin Job in a tapate samin amaute siansuah a, zingsangin tho baihin a ta phazah tawh kizui-in meihal biakna a pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Tu-a bangin Job in hih tawntung hi.

2 KHANG TANGTHU NIHNATE 35:6

Tua ciangin Paisan Pawi bawlna ganhing go-in nomau mah kisiansuah unla, Mosesʼ tungtawnin Topaʼ thugen bangin na sanggamte uh adingin kithawi un,” a ci hi.

2 KHANG TANGTHU NIHNATE 30:19

biakinn sianthona ngeina om bangin lungsim tak tawh nang hong biate khempeuhʼ mawhna maisak in,” a ci hi.

2 KHANG TANGTHU NIHNATE 30:17

Bang hang hiam cih leh a kikhawm lakah amau mah a kisiansuah nai lo tampi om uh hi. Tua ahih ciangin Topaʼ tungah a siangtho-in a kibawl nadingun a nin khempeuh adingin Levi mite in Paisan Pawi tuuno a gawh ding uh kisam hi.

Joshua 7:13

Tho in, mite siansuah inla, ‘Zing cianga dingin note kisiansuah tawm un. Bang hang hiam cih leh Israel Pasian Topa in, “Israel mite aw, noteʼ lakah a ki-ap nate om hi. Noteʼ lak panin a ki-ap nate na lakkhiat matengun na galte uh na nang zo kei ding uh hi,” ci hi.

Paikhiatna 19:15

Amah in mite kiangah, “Ni thum ni ciangin a baih sa-in om un; numei tawh lum khawm kei un,” a ci hi.

Mattiu 21:16

Jesu kiangah, “Hih naupangteʼ otna na za hiam?” ci-in a dong uh hi. Jesu in, “Ka za hi. Lai Siangtho sungah, ‘Naungekte le naupangteʼ kam tawh a cingtaak phatna na gensak hi,’ a cihna thu sim ngei lo na hi uh hiam?” ci-in a dawng hi.

Joshua 8:35

Moses in a thupiak kammalte khempeuh Israel mihonpite, numeite le amaute lakah a teeng peemtate mai ah Joshua in a sim loh khat zong om lo hi.