Joel 2:13 - Tedim Bible Revision 2017

¹³ Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Tedim Bible

¹³ Na dah taktakna uh lungkhamna tawh langsak un la, na puan uh a balkeek bek hi kei un,” hong ci hi. Topa, note’ Pasian kiangah ciahkik un. Amah migi-in hehpihna a nei hi a, a lung duai-in hong huh nuam tawntung a, daan hong tat loin hong maisak nuam tawntung hi.

Joel 2:13 Referans Kwoze

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Late 34:18

Lungsim kitamzante kiangah Topa hong om a, lungsim zan gawpte a hon hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Late 103:8

Topa dikin hehpihna tawh kidim a, heh hakin, a lian mahmah itna kip tawh a kidim hi.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

2 SAMUEL NIHNA 1:11

Tua ciangin David in ama puante lenin bal kek a, amah tawh a om mite khempeuh in zong tua bangmahin a hih uh hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

Late 51:17

Pasianʼ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teeng mite tungah ka kampauna na zak ciangin na lungsim kisikin Topaʼ mai ah nang mahmah kiniamkhiatin, na puante bal kekin ka mai ah na kahna thu, keimah in zong ka za hi, Topa in ci hi.

Efesa 2:4

Tua bang hi napi-in Pasianʼ hong hehpihna le eite hong itna lian mahmah ahih manin,

Late 106:45

Amaute ading a ngaihsutna-in ama thuciamna phawk a, ama itna kip tawh kizui-in a kolsak hi.

JOB (Job) 1:20

Hih thu a zak ciangin Job dah lua-in a puan bal kek a, a sam met khia-in leilak ah bok sukin Pasian a bia hi.

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi. Amaute lungkhauh niloh uh a, a salsuahna uh Egypt ah a paipihkik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

1 TIMOTI MASA 4:8

Pumpi kisekin kisinna manpha hi. Ahi zongin kha thu ah kisekin kisinna pen tu hun laitak le a hong tung ding hunah nuntakna hong pia thei ahih manin manpha zaw lai hi,

Nahum 1:3

Topa lungduai mahmah a, a vang zong lian mahmah a, ahih hangin mimawhte khah khong ngei lo hi. A paina peuhpeuh ah huihpi nungin pingpei kipei a, ama paina hanga leivui leeng meiipi kai tawh kibang hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

2 KUMPI NIHNATE 6:30

Kumpipa in tua numeiʼ thugente a zak ciangin ama puante bal kek hi. Kulhzang ah kumpipa pai kawikawi a, mite khuadakin amah a et uh ciangin amah in a sung lamah puanhampi a silh mu uh hi.

2 KUMPI NIHNATE 5:7

Israel kumpipa in a laikhak a sim ciangin amah in a puante bal kekin, “Mi khat a phak natna damsak dingin hih mipa in kei tungah hih thu hong puak nadingin a that ding le a nungtasak dingin kei, Pasian ka hi hiam? Ngaihsun dih un. Kei tawh kitot nading a zonna thei un,” a ci hi.

1 KUMPI MASATE 21:27

Ahab in hih thute a zak ciangin a puante bal kek a, a pum tungah puanhampi silhin, an tangin puanhampi tungah lum a, mai khingin a vak kawikawi hi.

Piancilna 37:34

Tua ciangin Jakob in ama puan bal kekin, a kawng ah puanhampi teeng a, a tapaʼ hangin ni tampi sung a kap hi.

Piancilna 37:29

Reuben dumah paikikin dum sungah Josef a om lohna a muh ciangin amah in a puan bal kek a,

Isaiah 58:5

Mau gua kun bangin na lu uh kun sukin, puanhampi le vut tungah lumin, nomau na kigimsak tawmnate uh keiʼ deih antanna nam sa na hi uh hiam? Hih bang hihna pen antanna man le Topaʼ san theih pawl hi, ci ding na hi uh hiam?

2 KUMPI NIHNATE 22:11

Kumpipa in thukham laibu sunga thute a zak ciangin a dahna hangin a puante a bal kek hi.

Jeremiah 41:5

Shekhem, Shiloh le Samaria khuate panin mi sawm giat hong pai uh hi. Amaute in a khamul uh metin a puan uh bal kekin, a pumpi uh a kikui gawp sa-in Topaʼ biakinn ah an tawh biakna le paknamtui tawh biakna a piak ding uh hong tawi khawm uh hi.

Jeremiah 42:10

Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

2 KHANG TANGTHU NIHNATE 6:27

amaute a pai nading lampi hoih hilh inla, vantung panin za-in na nasem, na mi Israel-teʼ khialhna maisak in. Tua ciangin na mite tungah gamh-in na piak leitang tungah guah zusak in.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.