Joel 2:12 - Tedim Bible Revision 2017

¹² Topa in hih bangin ci hi: “Tu mahmah nangawnin lungsim tak tawh kisikkikin, an tangin, kapin, thumna tawh kei kiangah hong paikik un.

Tedim Bible

¹² Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Joel 2:12 Referans Kwoze

Hosea 12:6

Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Hosea 6:1

Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

1 SAMUEL MASA 7:6

Tua ahih ciangin amaute Mizpah ah kikhawm uh a, tui tawi-in Topaʼ mai ah sung khia uh a, tua ni-in an tangin tua lai munah, “Topaʼ tungah i khial khinzo hi,” a ci uh hi. Samuel in Israel mite Mizpah ah thu khen hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Thukhente 20:26

Tua ciangin Israel mite khempeuh, galkap vekpi pai to-in Bethel ah tungin a kap uh hi. Tua lai mun Topaʼ mai ah amaute tu-in nitak dong tua ni an tang uh a, Topaʼ mai ah meihal biakna le thunuam a biakna a pia uh hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawm sagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

Isaiah 58:4

Note in a kitawng ding, a kilaii ding, gitloh gamtatin, khuttum tawh a kitum ding bekin an na tang uh hi. Hih bang lelin antanna tawh na thungetna uh hong kingai ding ahi hiam?

Jeremiah 4:2

‘Topa a nuntak bangin,’ ci-in, thuman tak, kiptak, thutang takin thu na ciam nak uh leh gam khempeuh in thupha ka piak ding hong ngen ding uh a, keiʼ sungah amaute a lungdam ding uh hi,” a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Malakhi 1:9

Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomauʼ khialhna ahi hi.

Paikhiatna 33:5

Bang hang hiam cih leh Topa in Moses kiangah, “Israel miteʼ tungah hih bangin gen in: ‘Note mi lungkhauh na hi uh hi. Noteʼ lakah tomno khat sung hong pai to leng, note kong beisak ding hi. Tua ahih ciangin note kong bawl nading ka theih nadingin noteʼ tung panin na kizepnate uh suah khia un,’ ci in,” ci-in gen khinzo hi.

Thukhente 2:4

Topaʼ vantungmi in Israel mi khempeuh tungah hih thute a gen ciangin mite a kap uh hi.

2 SAMUEL NIHNA 24:10

Ahih hangin mi a sim khit ciangin Davidʼ lungsim in a mahmah gimsak hi. Tua ciangin David in Topaʼ tungah, “Ka gamtatna sa sungah nakpi takin ka khial hi. Ahih hangin, tu-in, Topa aw, nang tungah kong thum hi; na nasem paʼ mawhna hong maisak in; bang hang hiam cih leh ka hai gamtat kha khin hi,” a ci hi.

2 KHANG TANGTHU NIHNATE 6:27

amaute a pai nading lampi hoih hilh inla, vantung panin za-in na nasem, na mi Israel-teʼ khialhna maisak in. Tua ciangin na mite tungah gamh-in na piak leitang tungah guah zusak in.

2 KHANG TANGTHU NIHNATE 30:6

Tua ahih ciangin kumpipa le a uliante kiang pan a laikhakte tawh Israel khempeuh le Judah sungah laikhakte tawh pai uh a, kumpipaʼ thupiakna: “Israel mite aw, Assiria kumpiteʼ khut sung panin a suakta, a om lai noteʼ lamah amah hong kiheikik theih nadingin Abraham, Isaac le Israel Pasian, Topaʼ lamah kiheikik un.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

Hosea 12:7

Sumbukte in tawitehna man lo zang uh a, amaute in mi khem ding nuam a sa uh hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.