Joel 2:1 - Tedim Bible Revision 2017

¹ Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Tedim Bible

¹ Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Joel 2:1 Referans Kwoze

1 PETER MASA 4:7

Na khempeuh a bei nading hun hong nai ta hi. Nomau pumpi ki-uk tawm thei-in pilvang unla, hoihtakin thu a ngen thei-in om ta un.

Joel 2:15

Zion mual tungah peengkul tumin antanna ding thu pia unla, biak kikhopna khat nei un.

Joel 1:15

Kalai! A hun hong nai ta! Topaʼ ni hong nai ta a, Vanglian paʼ suksiatna hun hong nai ta hi.

Joel 3:17

Tua ciangin Topa in, “Israel-te aw, ka mual siangtho Zion tungah a teeng keimah pen Topa noteʼ Pasian ka hihna na hong thei ding uh hi. Jerusalem pen a siangtho biakna khuapi hi dinga, gamdang mite in zokik nawn lo ding uh hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Zefaniah 3:11

Tua hun ciangin ka mite in kei nong lehdona hangun maizum nading bangmah om nawn lo ding hi. Note lak panin a kiphasak, a kihisak mite ka hawl khia dinga, Jerusalem khua-a ka mual siangtho tungah kei nong lehdo nawn kei ding uh hi.

Zefaniah 1:14

Topaʼ ni hong nai ta a, nai mahmah in hong tung hathat hi. Tua Topaʼ ni hong tun ciangin galhang pente nangawn cimawhin kap ding uh hi.

Jeremiah 5:22

kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

1 THESALONIKA MASA 5:2

Bang hang hiam cih leh Topa hong pai ding Ni pen zan a gutate bangin theih kholh lohin hong tung ding hi, ci-in note in teltakin na theih sa uh ahi hi.

Obadiah 1:15

Bang hang hiam cih leh minamkimte tungah ka thukhenna ding ni a nai zo hi. Nang bawl bangin nangma tungah hong kibawl ding hi. Na hih bangin na lu buk ah hong tukik ding hi.

Amos 3:6

Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?

Hosea 5:8

Galdo nading zaksakna in Gibeah khua ah tuutal ki tum unla, Ramah khua ah peengkul tum un. Bethaven khua ah pataukohna gingsak un. Benjamin mite aw, kithawi un!

Ezekiel 7:12

A hun hong tung ta a, a ni hong nai ta hi. Mi khempeuh tungah ka hehna hong tung ta ding ahih manin sumzuak sumlei nasepnate a kimanna om nawn lo hi.

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Jeim 5:8

Note zong na lungduai un. Topa hong pai ding hun nai ta ahih manin na lungsim uh na thahatsak un.

Filippi 2:12

Tua ahih ciangin ka hong it sanggamte aw, note tawh ka hong om khawm lai-in ka thu na hong man tawntung uh mah bangin, tu-in note tawh ka hong om khawm loh hun ciangin zong ka thu na hong man ding uh thupi zaw lai hi. Pasian kihtakna le zahtakna tawh na maa uh nawt unla, amah in note hong hotkhiatna thu a cingtaak suaksak un.

Zefaniah 1:16

galdo nading peengkul a kitum ni, kulh nei khuapite le a tausangte a kisimna-in galkapte a kiko ni hi ding hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Ezekiel 33:3

Galvil pa in galte hong pai a muh ciangin mi khempeuh a theihsak nadingin pataukohna peengkul tum hi.

Ezekiel 12:23

Tua ahih ciangin Topa Pasian ahi keimah in tua thu tawh kisai-in ka thugenna amaute kiangah va gen in. Hih paunak ka beisak ta dinga, Israel mite in genin a nei nawn kei ding uh hi. Tu-in a hun a naina le gen kholhnate a manin a tun nading thu amaute kiangah va gen in.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Daniel 9:20

Keima mawhna le ka mipih Israel-teʼ mawhna pulakin, ka Topa Pasian kiangah a biakinn siangtho a hong puahkik nadingin thumin ka ngenngen hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uh a mite khempeuh in Jerusalem le na mite a hong simmawh uh hi.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

Ezekiel 33:6

Ahi zongin galvil pa in galte hong pai mu napi-in pataukohna peengkul a tum kei a, galte hong pai-in mi a thah leh, tua a site amauʼ mawhna hangin a si hitaseleh galvil pa ka ngawh ding hi.

Jeremiah 16:10

“Hih thu teng hih mite tungah na gen ciangin amaute in, ‘Bang hangin Topa in hih gimna lianpi eite tungah hong tungsak ahi hiam? I khialhna bang ahi hiam? Topa i Pasianʼ tungah bang mawhna bawl ihi hiam?’ hong ci ding uh hi.

Jeremiah 16:7

Misi hangin a kapte hehnep nadingin kuamah in anletui a lui kei ding uh a, a nu ahih kei leh a pa a site nangawn kuamah in a hehnem kei ding hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Late 87:1

Mual Siangtho tungah ama phuh sa khuapi om hi.

Gamlak-vakna 10:3

A nihin a kitum ciangin kikhopna buk kong nangma kiangah mihon khempeuh hong kikhawm ding uh hi.

Zekhariah 8:3

Ka khuapi siangtho Jerusalem ah ciahkikin ka teeng ding hi. A citak khuapi, ci-in minthang dinga, Vanglian Topaʼ mual pen mual siangtho kici ding hi.

1 KHANG TANGTHU MASATE 15:28

Tua ahih ciangin Israel mi khempeuh in sakite le peengkulte le daltuahteʼ awging tawh kizui-in awng kawmin Topaʼ Thuciamna Singkuang paipih to uh a, harp lasaknate le laiza lasaknate tawh nakpi takin la a sa uh hi.

1 KORIN MASA 14:8

Galdo nading peengkul a tum pa in a aw a kitelin tum kei leh galdo dingin kua kithawi thei ding ahi hiam?

Mangmuhna 6:17

Amauteʼ hehna hangin gimna hun hong tung ta ahih manin kua in thuak zo ding ahi hiam?” a ci uh hi.

Paikhiatna 10:14

Tua masiah kauphe hon tua banga a tam a omngei lo, cikmah ciangin zong a omkik ngei lo ding, Egypt leitang tung khempeuh ah kauphe hong om a, Egypt gam buppi ah a dim uh hi.

Ezekiel 30:3

Minamteʼ siat nading hun Topaʼ ni hong nai ta hi.

Joel 2:11

Ama mihonpite tam mahmah uh ahih manin amaute thu pia-in a mai uh ah Topa awng a, ama thupiakna bangin a semte hat mahmah uh hi. Topaʼ ni ding kihtakhuai mahmah ahih manin a thuak zo ding kua om ding ahi hiam?

Joel 2:31

Topaʼ ni, tua a lauhuai hun a hong tun ma-in ni hong mialin, kha, sisan hong bang ding hi.

Joel 3:14

Thukhenna Kuam ah a tul a thenin om uh hi. Bang hang hiam cih leh tua lai munah Topaʼ ni hong tung baih ding hi.

Amos 5:18

Topaʼ ni hong tun ding a ngaklah note adingin bangzah takin lauhuai ding ahi hiam? Note adingin tua ni a hoihna hong om ding ahi hiam? Tua ni pen lungzin ni hi a, lungtaii ni hi lo hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, noteʼ muh mahmah in a na lakte uh hawm ding uh hi.

Gamlak-vakna 10:2

“Ngun peengkul nih bawl in. Tuate na bawl ciangin na seek dinga, mihonte khop nading le giahphual nusiat nadingin na zang ding hi.

Isaiah 13:6

Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Isaiah 13:9

En un, leitung gamkhing suaksakin, leitung mawhneite a susia dingin hehna le sinsona tawh nasia takin Topa’ ni hong tung ding hi.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Zefaniah 1:7

Topa Pasianʼ mai ah gamdai takin om un! Topaʼ ni hong nai ta hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.