Joel 1:20 - Tedim Bible Revision 2017

²⁰ Luitui luang khempeuh kangcip khinta a, meiʼ kattum bangin lo nona khempeuh keucip khin ahih manin nangma tungah gamsate nangawn hong kiko uh hi.

Tedim Bible

²⁰ Lui tui khempeuh kangcip khin a, mei kattum bangin lonona khempeuh keucip ahih manin, nangma tungah gamsate nangawn hong kiko uh hi.

Joel 1:20 Referans Kwoze

Late 104:21

Humpinelkai khanglaite in amauʼ nek ding sa a ngah nadingun nakpi takin hawk uh a, amauʼ an ding Pasianʼ tung pan a ngah uh hi.

1 KUMPI MASATE 17:7

Tua gam sungah guah zu lo ahih manin tawl khat khit ciangin a lui a kang hi.

Late 147:9

Amah in ganhingte le a ham va-aknote an a vak hi.

Late 145:15

Nuntak husanna a nei khempeuhteʼ mit in nang hong en uh a, a hun a tun ciangin amaute an na vak hi.

JOB (Job) 38:41

Va-akte a gil kialin leng kawikawi-in, a note in an duhin kei tungah hong nget ciangun, tua va-akte an a pia pa kua ahi hiam?

1 KUMPI MASATE 18:5

Tua ciangin Ahab in Obadiah kiangah, “Gam sung ciktui omna khempeuh le kuam omna khempeuh ah va pai in. Lopa mu-in sakolte le la-sakolte i hin suah zo kha dinga, ganhingte pawl khat i sum kei ding hi,” a ci hi.

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keu gawp hi.

Jeremiah 28:8

Nang le keiʼ ma-in a om, tanglai-a kamsangte in gam tampi le gam lianteʼ tungah gal ahi zongin, kial ahi zongin, pulnatna ahi zongin hong tung ding hi, ci-in a gen khol zo uh hi.

Joel 1:18

A gilkial tuu le bawngte cimawhin tau uh a, lo nona mun om nawn het lo ahih manin ganhing honte cimawh uh a, tuuhonte in zong haksatna thuak uh hi.